Surah Hud Ayahs #86 Translated in Khmer

ដូចនោះ នៅពេលដែលបទបញ្ជារបស់យើងបានមកដល់ យើងក៏បានធ្វើឱ្យភូមិនោះ ក្រឡាប់ផ្កាប់ ហើយយើងបានបង្អុរទៅលើទីនោះ នូវភ្លៀងថ្មមួយពីដីឥដ្ឋជាបន្តបន្ទាប់

គឺលេចចេញនិមិត្តសញ្ញាមួយពីម្ចាស់របស់អ្នក។ ហើយវាក៏ពុំមែនឆ្ងាយពីពួកដែល អយុត្តិធម៌នោះទេ

ហើយឆ្ពោះទៅកាន់ពួកម៉ាទយ៉ាន បងប្អូនរបស់ពួកគេគឺ ស៊ូអែប។ គាត់បាននិយាយថាៈ“ឱក្រុមមនុស្សយើង! ចូរពួកអ្នកទាំងឡាយប្រណិប័តន៍ អល់ឡោះ គ្មានម្ចាស់ណាម្នាក់ក្រៅពីលោកទេ។ ហើយចូរពួកអ្នកកុំបំបាត់រង្វាល់ និង ជញ្ជីង។ ការពិត យើងមើលឃើញពួកអ្នក មានក្នុងភាពកុសលមួយ។ ហើយយើង ខ្លាចតែពួកអ្នកត្រូវទណ្ឌកម្មនាថ្ងៃមួយ ដែលត្រូវឡោមព័ទ្ធ

នែ៎ក្រុមមនុស្សរបស់ យើង! ចូរពួកអ្នកបំពេញរង្វាល់ និងជញ្ជីងដោយយុត្តិធម៌។ ហើយចូរពួកអ្នកកុំបំបាត់ ចំពោះមនុស្សទូទៅ នូវវត្ថុទាំងឡាយរបស់ពួកគេ ហើយចូរពួកអ្នកកុំធ្វើវឹកវរនៅលើដី ដោយជាពួកអ្នកធ្វើឱ្យវិនាសអន្តរាយ

អ្វីដែលបន្សល់ទុកដោយអល់ឡោះ គឺជា កុសលមួយសំរាប់ពួកអ្នក ប្រសិនបើពួកអ្នកជាពួកមានជំនឿ ហើយយើងក៏ពុំមែនជា អ្នកគាំពារម្នាក់លើពួកអ្នកដែរ