Surah Fussilat Ayahs #15 Translated in Khmer

ក្រោយមក លោកតំរង់បំណងទៅឯមេឃ ខណៈដែលមេឃ ជាផ្សែង រួចមក លោកបាននិយាយទៅមេឃ និងដីថា អ្នកទាំងពីរ ចូរមកដោយ ស្ម័គ្រ ឬចូលមកដោយបង្ខំ។ ទាំងពីរថា យើងទាំងពីរបានមកដល់ដោយស្ម័គ្រ

ហើយលោកបានសម្រេចមេឃទាំងអស់ជាប្រាំពីរមេឃរយៈពេលពីរថ្ងៃ ហើយលោកបាន ប្រាប់ចំពោះមេឃនីមួយៗ នូវការងាររបស់ខ្លួន ហើយយើងបានតាក់តែងលំអមេឃយ៉ាង ជិតជាងគេនេះ ដោយចង្កៀងទាំងឡាយ ហើយនិងការថែរក្សាមួយ។ នេះហើយជាការ កំណត់របស់អ្នកមានឥទ្ធិពល ជាអ្នកដឹងបំផុត

រួចមក ប្រសិនបើពួកគេបានបែរ ចេញ ពេលនោះ ចូរអ្នកថា យើងបានព្រមានពួកអ្នកនូវរន្ទះមួយ ដូចរន្ទះរបស់អាទ និង សាម៉ូទ

នៅពេលដែលបានដល់ទៅពួកគេ ដោយរ៉សូលៗពីខាងមុខពួកគេ និងពី ខាងក្រោយពួកគេ ចូរពួកអ្នកកុំប្រណិប័តន៍ក្រៅពីអល់ឡោះ។ ពួកគេថា ប្រសិនបើ ម្ចាស់ពួកយើងបានប្រាថ្នាមែន លោកប្រាកដជាបានដាក់ចុះនូវពួកម៉ាឡាអ៊ីកាត់ ដូចនេះ ពួកយើងពិតជាអ្នកអជំនឿនឹងអ្វីដែលគេបានចាត់បញ្ជូនពួកអ្នកឱ្យនាំមកនោះ

រីឯ ពួកអាទវិញ ពួកគេបានកាន់ប្ញកក្រអឺតក្រអោងនៅលើដី ដោយគ្មានសច្ចៈសោះ ហើយ ពួកគេថា តើជនណាដែលខ្លាំងក្លាជាងពួកយើងខាងកម្លាំងពលំ? តើពួកគេមិនទាន់ ឃើញទេឬថា ការពិតអល់ឡោះ ដែលបានបង្កើតពួកគេ លោកពិតជាខ្លាំងក្លាជាងពួកគេ ខាងមហិទ្ធិប្ញទ្ធិ។ ហើយពួកគេធ្លាប់បានប្រឆាំងជំទាស់នឹងអាយ៉ាត់ៗរបស់យើង