Surah Fatir Ayahs #45 Translated in Khmer

ការពិតអល់ឡោះ ទប់មេឃទាំងឡាយ និងដីកុំឱ្យទាំង ពីរនោះស្រុតទ្រោម។ ប្រសិនបើទាំងពីរនោះស្រុតទ្រោម គ្មានអ្នកណាម្នាក់អាចកាន់ទប់ទាំងពីរ នោះបន្ទាប់ពីលោកទៀតទេ។ លោកពិតជាអ្នកដែលអត់ឱនបំផុត ជាអ្នកអភ័យទោសឱ្យ

ហើយ ពួកគេបានស្បថស្បែនឹងអល់ឡោះ នូវការប្រឹងប្រែងសម្បថរបស់ពួកគេ ប្រសិនបើមានអ្នកដាស់ តឿនណាម្នាក់បានទៅដល់ពួកគេ ពួកគេប្រាកដជានឹងក្លាយទៅជាអ្នកដែលមានមគ្គុទ្ទេសន៍បំផុត ជាងនីមួយៗនៃសហគមន៍ទាំងឡាយ។ នៅពេលដែលមានអ្នកដាស់តឿនម្នាក់ បានទៅដល់ពួក គេ ស្រាប់តែគ្មានបានកើនចំរើនចំពោះពួកគេ ក្រៅពីកាន់តែឃ្លាតឆ្ងាយនោះទេ

ទាំងប្រកាន់ ឬកក្អេងក្អាងនៅឯដី និងទាំងល្បិចកលអាក្រក់ ហើយល្បិចកលអាក្រក់នោះ ឥតគ្របដណ្តប់អ្នក ណាក្រៅពីអ្នកធ្វើវានោះទេ។ ដូចនេះ តើពួកគេកំពុងរង់ចាំក្រៅពីគន្លងរបស់បុព្វបុរសនោះឬ? អ្នកនឹងមិនប្រទះសោះឡើយ ចំពោះគន្លងរបស់អល់ឡោះនូវបំរែបំរួលណាមួយ ហើយអ្នកក៏នឹង មិនប្រទះដែរចំពោះគន្លងរបស់អល់ឡោះ នូវការកែប្រែណាមួយឡើយ

តើពួកគេមិនទាន់ធ្វើ ដំណើរនៅឯដីទេឬ រួចពួកគេនឹងពិនិត្យមើល តើដូចម្តេចខ្លះ អវសានរបស់អ្នកកាលសម័យមុន របស់ពួកគេ ក្នុងខណៈដែលពួកគេទាំងនោះ ជាអ្នកដែលមានថាមពលខ្លាំងក្លាជាងពួកគេទៅ ទៀតនោះ?។ ហើយអល់ឡោះ គឺមិនអាចនឹងធ្វើឱ្យទន់ខ្សោយលោកបានទេពីវត្ថុណាមួយនៅឯ មេឃទាំងឡាយនិងនៅឯដី។ ការពិតលោកគឺជាអ្នកដែលដឹង ជាអ្នកដែលមានសមត្ថភាពបំផុត

ហើយប្រសិនបើអល់ឡោះចាប់ទោសពៃរ៍មនុស្ស ដោយអ្វីដែលពួកគេខិតខំសាង ប្រាកដជា គ្មានសេសសល់ឡើយ នៅលើខ្នងដីនៃសត្វណាមួយ ក៏ប៉ុន្តែលោកបានពន្យារពេលឱ្យពួកគេ រហូតដល់ពេលមួយដែលត្រូវគេកំណត់។ ដូចនេះ កាលណាពេលកំណត់របស់ពួកគេបានមក ដល់ហើយនោះ អល់ឡោះលោកពិតជាអ្នកដែលឃើញបំផុតចំពោះមនុស្សរបស់លោក