Surah Fatir Ayahs #36 Translated in Khmer

ក្រោយមក យើងបានផ្តល់មរតកគម្ពីរចំពោះពួកដែលយើង បានជ្រើសរើសក្នុងចំណោមពួកអ្នកគោរពប្រណិប័តន៍យើង ក៏ប៉ុន្តែក្នុងចំណោមពួក គេក៏មានអ្នកអយុត្តិធម៌ចំពោះខ្លួនគេផ្ទាល់ ហើយក្នុងចំណោមពួកគេ មានអ្នកមធ្យម កណ្តាល ហើយក្នុងចំណោមពួកគេ មានអ្នកដែលដណ្តើមយកកុសលទាំងឡាយដោយ ក្តីអនុញ្ញាតរបស់អល់ឡោះ ទាំងនេះគឺជាក្តីអនុគ្រោះមួយដ៏មហាធំធេង

ឋាន សួគ៌អាតណិន ដែលពួកគេចូលទៅក្នុងឋានសួគ៌នោះ គេនឹងបំពាក់ឱ្យពួកគេនៅក្នុង នោះអំពីកងដៃៗពីមាស និងមុក្តា(គុជខ្យង) ហើយសំលៀកបំពាក់ពួកគេនៅក្នុងនោះ គឺសូត្រ

ហើយពួកគេថា ការសរសើរស្ញប់ស្ញែងទាំងឡាយ សម្រាប់អល់ឡោះ ដែលបានបំបាត់នូវការទុក្ខព្រួយពីពួកយើង។ ការពិតម្ចាស់របស់យើង ប្រាកដជាអ្នកដែល អភ័យទោសឱ្យ ជាអ្នកដែលកតញ្ញុតាបំផុត

ដែលបានដាក់យើងនូវលំនៅ ស្ថេរភាព ដោយក្តីអនុគ្រោះរបស់លោក គ្មានក្តីនឿយហត់ណាមួយប៉ះពាល់ដល់យើងនៅក្នុង នោះដែរ

រីឯពួកដែលមិនបានជឿ សម្រាប់ពួកគេ គឺនរកឆាបឆេះ គេនឹងមិន កាត់ក្តីទៅលើពួកគេ រហូតពួកគេនឹងត្រូវស្លាប់នោះទេ ហើយគេក៏មិនសំរាលពីពួកគេ នូវទារុណកម្មនរកនោះដែរ ប្រៀបដូចនេះហើយ ដែលយើងនឹងទូទាត់ឱ្យនូវរាល់អ្នក ដែលរមិលគុណ