Surah Fatir Ayahs #32 Translated in Khmer

ហើយក្នុងចំណោម មនុស្ស សត្វល្មូន និងសត្វពាហនៈ ក៏មានខុសៗគ្នាពណ៌សំបុររបស់វា ដូចនោះដែរ។ ការពិតកោតខ្លាចអល់ឡោះ ពិតជាក្នុងចំណោមពួកគោរពលោកនោះ គឺពួកដែលចេះ ដឹងជ្រៅជ្រះ។ អល់ឡោះពិតជាអ្នកពលានុភាព ជាអ្នកអភ័យទោសឱ្យ

ការពិត ពួកដែលសូត្រគម្ពីររបស់អល់ឡោះ ហើយពួកគេបានបញ្ឈរសឡាតិ៍ និងបានចំណាយក្នុង ចំណោមអ្វីដែលយើងបានផ្តល់ភាក្សាហារទៅឱ្យពួកគេទាំងស្ងាត់ៗ និងទាំងចំហ ពួកគេ សង្ឃឹមចំពោះជំនួញមួយដែលមិនចេះលិចលង់នោះ

ដើម្បីលោកនឹងបំពេញជូន ចំពោះពួកគេនូវរង្វាន់ទាំងឡាយរបស់ពួកគេ ហើយលោកនឹងបន្ថែមជូនចំពោះពួកគេពី ការុណភាពរបស់លោក ការពិតលោកជាអ្នកអភ័យទោសឱ្យ ជាអ្នកកត្តញ្ញុតាបំផុត

ហើយគម្ពីរដែលយើងបានវ៉ាហ៊ីទៅកាន់អ្នកនោះ គឺសច្ចៈពិត ដើម្បីបញ្ជាក់ចំពោះអ្វីដែល មានពីមុនមក ការពិតអល់ឡោះចំពោះពួកអ្នកគោរពលោក គឺពិតជាអ្នកដឹងជ្រាប ជាអ្នកឃើញបំផុត

ក្រោយមក យើងបានផ្តល់មរតកគម្ពីរចំពោះពួកដែលយើង បានជ្រើសរើសក្នុងចំណោមពួកអ្នកគោរពប្រណិប័តន៍យើង ក៏ប៉ុន្តែក្នុងចំណោមពួក គេក៏មានអ្នកអយុត្តិធម៌ចំពោះខ្លួនគេផ្ទាល់ ហើយក្នុងចំណោមពួកគេ មានអ្នកមធ្យម កណ្តាល ហើយក្នុងចំណោមពួកគេ មានអ្នកដែលដណ្តើមយកកុសលទាំងឡាយដោយ ក្តីអនុញ្ញាតរបស់អល់ឡោះ ទាំងនេះគឺជាក្តីអនុគ្រោះមួយដ៏មហាធំធេង