Surah As-Sajda Ayahs #13 Translated in Khmer

ក្រោយមក លោកបានបំពេញទ្រង់ទ្រាយដល់មនុស្ស ហើយលោក បានផ្លុំទៅក្នុងមនុស្សពីរូហ៍អំពីលោក ហើយលោកបានបង្កើតពួកអ្នក នូវសោតវិញ្ញាណ ចក្ខុវិញ្ញាណ និងចិត្តគំនិត។ តិចតួចបំផុតពួកអ្នកសំដែងការដឹងគុណ

ហើយពួកគេបាន និយាយថា កាលណាពួកយើងបានលិចបាត់ទៅក្នុងដីហើយ តើពួកយើងពិតជាស្ថិតក្នុង ការផ្តល់កំណើតជាថ្មីវិញឬ? ម៉្យាងវិញទៀត ពួកគេគឺជាពួកដែលមិនជឿនឹងជំនួបម្ចាស់ របស់ពួកគេ

ចូរអ្នកថាចុះ ម៉ាលីកុលម៉ោត ដែលគេចាត់ទៅកាន់ពួកអ្នក គេនឹងបង្ហើយ ជីវិតពួកអ្នក ក្រោយមកឆ្ពោះទៅកាន់ម្ចាស់របស់ពួកអ្នក គេនឹងត្រឡប់ពួកអ្នកទៅវិញ

ហើយបើសិនអ្នកឃើញ នៅពេលដែលពួកឧក្រិដ្ឋជនឈ្ងោកក្បាលពួកគេ នៅឯម្ចាស់ ពួកគេ ឱម្ចាស់យើង! ពួកយើងបានឃើញហើយ បានឮហើយ ដូច្នេះ សូមលោក ឱ្យពួកយើងត្រលប់ទៅវិញផង ពួកយើងប្រាកដជានឹងសាងកុសល ពួកយើងពិតជា ពួកប្រាកដក្នុងចិត្ត

ហើយប្រសិនបើយើងមានបំណង យើងប្រាកដជាបានផ្តល់ ទៅគ្រប់រូប នូវមគ្គុទ្ទេសន៍របស់គេ ក៏ប៉ុន្តែសំដីបានសច្ចៈពីយើង យើងប្រាកដជានឹង បំពេញនរកឆាបឆេះនៃពួកជិន និងពួកមនុស្សទាំងអស់គ្នា