Surah Ar-Rum Ayahs #54 Translated in Khmer

ដូច្នេះ ចូរអ្នកពិនិត្យមើលទៅកាន់លំនៅដ្ឋានទាំងឡាយនៃក្តីអាណិតអាសូររបស់អល់ឡោះ តើលោក នឹងប្រោសដីឱ្យរស់បន្ទាប់ពីដីស្លាប់នោះយ៉ាងដូចម្តេចខ្លះ? ការពិតព្រឹត្តិការណ៍នេះ គឺលោកជា អ្នកប្រោសជីវិតពួកអ្នកដែលស្លាប់ទៅហើយ លោកជាអ្នកមានអានុភាពលើសព្វសារពើ

ការពិត បើយើងបានបញ្ជូនវាយោមួយ រួចពួកគេបានឃើញវាយោនោះឡើង ពណ៌លឿង បន្ទាប់ពីនោះ ពួកគេប្រាកដជានៅតែរមិលគុណដដែល

ដូចនេះ អ្នកប្រាកដជានឹងមិនអាចធ្វើឱ្យឮដល់មនុស្សស្លាប់បានទេ ហើយអ្នកក៏មិនអាច ធ្វើឱ្យឮសម្រែកដល់មនុស្សថ្លង់បានដែរ កាលណាពួកគេបានបែរទាំងឱ្យខ្នងនោះ

ហើយអ្នកក៏មិនមែនជាអ្នកដឹកនាំមនុស្សខ្វាក់ ឱ្យផុតពីការរសាត់វង្វេងរបស់ ពួកគេដែរ អ្នកនឹងអាចធ្វើឱ្យឮបាន គ្មានជនណាក្រៅពីអ្នកដែលជឿនឹងអាយ៉ាត់ៗ របស់យើង រួចពួកគេគឺជាពួកប្រគល់ខ្លួនគោរព

អល់ឡោះដែលបានបង្កើត អ្នកទាំងឡាយពីភាពទន់ខ្សោយ ក្រោយមកលោកបានធ្វើឱ្យទៅជារឹងមាំបន្ទាប់ ពីទន់ខ្សោយ ក្រោយមកទៀត លោកបានធ្វើឱ្យទៅជាទន់ខ្សោយ និងចាស់ជរា បន្ទាប់ពីរឹងមាំ លោកបង្កើតតាមតែអ្វីដែលលោកប្រាថ្នា។ លោកគឺជាអ្នកដឹង បំផុតជាអ្នកមានអានុភាពបំផុត