Surah An-Nur Ayahs #22 Translated in Khmer

ហើយអល់ឡោះបញ្ជាក់ជូនយ៉ាងច្បាស់ដល់ពួកអ្នកនូវអាយ៉ាត់ៗ។ ហើយអល់ឡោះជាអ្នកដឹងជា អ្នកមហាគតិបណ្ឌិត

ការពិតពួកដែលចូលចិត្តឱ្យអំពើអាស្រូវសុសសាយនៅក្នុងពួកដែលបាន ជឿ សម្រាប់ពួកនេះគឺទណ្ឌកម្មដ៏ខ្លោចផ្សាបំផុតនៅក្នុងលោកិយ និងអវសាន។ ហើយអល់ឡោះ ដឹងខណៈដែលពួកអ្នកឥតដឹងទេ

ប្រសិនបើគ្មានការុណភាពអល់ឡោះ និងក្តីអាណិតអាសូរ របស់លោកទៅលើពួកអ្នកទេ ហើយអល់ឡោះពិតជាមហាករុណា អាណិតអាសូរបំផុត

ឱពួកដែលជឿ! ចូរពួកអ្នកកុំធ្វើតាមជំហានៗស្ហៃតន ជនណាហើយធ្វើតាម ជំហានៗស្ហៃតន ចូរជ្រាបថា ស្ហៃតនគឺពិតជានឹងបញ្ជាឱ្យសាងអំពើអាស្រូវ និង ប្រការមិនគប្បី។ ហើយប្រសិនបើគ្មានការុណភាពរបស់អល់ឡោះ និងក្តីអាណិត អាសូររបស់លោកទៅលើពួកអ្នកទេ គ្មានជនណាម្នាក់ក្នុងចំណោមពួកអ្នកត្រូវ បានជ្រះស្អាតទេជារៀងរហូត។ ក៏ប៉ុន្តែអល់ឡោះនឹងបន្សុទ្ធសំអាតជនដែល លោកប្រាថ្នា អល់ឡោះជាអ្នកដែលឮបំផុត ជាអ្នកដឹងបំផុត

ហើយអ្នក ដែលប្រកបដោយក្តីអនុគ្រោះ និងធូរធារក្នុងចំណោមពួកអ្នក ចូរកុំស្បថថា ពួក គេនឹងឈប់ឧបត្ថម្ភទៅកាន់អ្នកជិតខាង ពួកទុរគតជន និងពួកភៀសខ្លួនក្នុងផ្លូវ អល់ឡោះ។ ពួកគេត្រូវតែអភ័យទោស និងអត់អោន។ តើពួកអ្នកមិនចូលចិត្តឱ្យ អល់ឡោះអភ័យទោសឱ្យពួកអ្នកទេឬ? អល់ឡោះ គឺជាអ្នកដែលអភ័យទោសឱ្យ អាណិតអាសូរបំផុត