Surah An-Nur Ayahs #25 Translated in Khmer

ឱពួកដែលជឿ! ចូរពួកអ្នកកុំធ្វើតាមជំហានៗស្ហៃតន ជនណាហើយធ្វើតាម ជំហានៗស្ហៃតន ចូរជ្រាបថា ស្ហៃតនគឺពិតជានឹងបញ្ជាឱ្យសាងអំពើអាស្រូវ និង ប្រការមិនគប្បី។ ហើយប្រសិនបើគ្មានការុណភាពរបស់អល់ឡោះ និងក្តីអាណិត អាសូររបស់លោកទៅលើពួកអ្នកទេ គ្មានជនណាម្នាក់ក្នុងចំណោមពួកអ្នកត្រូវ បានជ្រះស្អាតទេជារៀងរហូត។ ក៏ប៉ុន្តែអល់ឡោះនឹងបន្សុទ្ធសំអាតជនដែល លោកប្រាថ្នា អល់ឡោះជាអ្នកដែលឮបំផុត ជាអ្នកដឹងបំផុត

ហើយអ្នក ដែលប្រកបដោយក្តីអនុគ្រោះ និងធូរធារក្នុងចំណោមពួកអ្នក ចូរកុំស្បថថា ពួក គេនឹងឈប់ឧបត្ថម្ភទៅកាន់អ្នកជិតខាង ពួកទុរគតជន និងពួកភៀសខ្លួនក្នុងផ្លូវ អល់ឡោះ។ ពួកគេត្រូវតែអភ័យទោស និងអត់អោន។ តើពួកអ្នកមិនចូលចិត្តឱ្យ អល់ឡោះអភ័យទោសឱ្យពួកអ្នកទេឬ? អល់ឡោះ គឺជាអ្នកដែលអភ័យទោសឱ្យ អាណិតអាសូរបំផុត

ការពិតពួកដែលចោទប្រកាន់ពួកនារីដែលបរិសុទ្ធ ដែលមិនយកចិត្តទុកដាក់់(ធ្វើប្រការអាក្រក់) ដែលជាអ្នកជឿ គេដាក់បណ្តាសា ពួកគេក្នុងលោកិយ និងលោកអវសាន ហើយសម្រាប់ពួកគេ ទណ្ឌកម្មដ៏ធំសម្បើម

នាថ្ងៃដែលអណ្តាតពួកគេ ដៃពួកគេ និងជើងពួកគេនឹងធ្វើសាក្សីទៅលើ ពួកគេ តាមតែអ្វីដែលពួកគេធ្លាប់បានប្រព្រឹត្ត

នៅថ្ងៃនោះអល់ឡោះនឹង បំពេញជូនពួកគេ នូវរង្វាន់របស់ពួកគេដ៏សច្ចៈ ហើយពួកគេនឹងដឹងថា អល់ឡោះ លោកពិតជាសច្ចៈ ជាក់ច្បាស់បំផុត