Surah An-Nisa Ayahs #97 Translated in Khmer

ជនធ្វើឃាតអ្នកមានជំនឿដោយចេតនាទោសវាគឺនរក។ ជាអ្នកអនន្តកាលក្នុងនោះ។ ជននោះត្រូវបានអល់ឡោះខឹងនិងផ្តន្ទា និងបានរៀបចំសំរាប់ជននោះនូវទណ្ឌកម្មដ៏ធំអស្ចារ្យ

ឱពួកដែលបានជឿ! កាលណាពួកអ្នកបានធ្វើដំណើរក្នុងបុព្វហេតុមាគ៌ាអល់ឡោះ ចូរពួកអ្នកស៊ើបឱ្យច្បាស់ ចូរពួកអ្នកកុំពោលទៅកាន់ជនដែលបានឱ្យសាឡាមថា អ្នកពិតជាពុំមែនអ្នកដែលមានជំនឿ ដោយពួកអ្នកចង់ស្វែងរកទ្រព្យសម្បត្តិនៃជីវិតលោកិយ។ នៅឯអល់ឡោះមានជ័យភណ្ឌជាច្រើន។ ដូចនេះដែរពួកដែលកាលពីសម័យមុន អល់ឡោះក៏បានប្រទានក្តីអនុគ្រោះទៅលើពួកអ្នក ហេតុដូចនេះ ចូរពួកអ្នកស៊ើបឱ្យច្បាស់។ ការពិតអល់ឡោះ គឺជាអ្នកដែលដឹងបំផុតពីអ្វីដែលពួកអ្នកប្រព្រឹត្ត

ក្នុងចំណោមពួកមានជំនឿ ពួកដែលអង្គុយស្ងៀមក្រៅពីជនពិការ និងពួកតស៊ូក្នុងបុព្វហេតុមាគ៌ាអល់ឡោះ ដោយទ្រព្យសម្បត្តិនិងជីវិតរបស់ពួកគេគឺមិនស្មើគ្នាទេ។ អល់ឡោះបានប្រទានក្តីអនុគ្រោះទៅកាន់ពួកដែលតស៊ូដោយទ្រព្យសម្បត្តិ និង ជីវិតពួកគេបានលើសពួកដែលអង្គុយស្ងៀមមួយឋានៈ។ ទាំងអស់នេះអល់ឡោះបានសន្យានូវអំពើល្អ។ ហើយអល់ឡោះបានប្រទានក្តីអនុគ្រោះទៅពួកតស៊ូលើសពីពួកដែលអង្គុយស្ងៀមនូវរង្វាន់ដ៏មហាធំធេង

ឋានៈជាច្រើនក្តីប្រោសប្រណី និងអាណិតអាសូរពីលោក។ ហើយអល់ឡោះ គឺជាអ្នកប្រោសប្រណីមេត្តាករុណាបំផុត

ការពិតពួកដែលម៉ាឡាអ៊ីកាត់បានបញ្ចប់ជីវិតពួកគេ ទាំងពួកគេជាអ្នកប្រព្រឹត្តបាបកម្មចំពោះខ្លួនឯង ម៉ាឡាអ៊ីកាត់ថា តើពួកអ្នកស្ថិតក្នុងក្រុមអ្វី? ពួកគេថាពួកយើងជាអ្នកដែលទន់ខ្សោយបំផុតនៅលើដីនេះ។ ម៉ាឡាអ៊ីកាត់សួរថា តើដីអល់ឡោ់មិះនទូលាយទេឬដើម្បីពួកអ្នកនឹងភៀសខ្លួនទៅនោះ? ពួកទាំងនោះទីជ្រកកោនពួកគេគឺនរកជាទីវិលត្រលប់ដ៏អាក្រក់បំផុត