Surah An-Naml Ayahs #63 Translated in Khmer

ចូរថា ទៅ ការសរសើរស្ញប់ស្ញែងគឺសម្រាប់អល់ឡោះ ព្រមទាំងក្តីបរមសុខទៅលើពួកអ្នក គោរពលោក ដែលលោកបានជ្រើសតាំង។ តើអល់ឡោះជាអ្នកល្អជាងឬមួយអ្វីដែល ពួកគេស៊ីរិកនោះល្អជាង?

តើអ្នកណាដែលបានបង្កើតមេឃទាំងឡាយ ព្រម ទាំងដី ហើយគេបានដាក់ចុះសម្រាប់ពួកអ្នកអំពីមេឃនូវទឹក រួចមក ដោយសារទឹក យើងបានបណ្តុះនូវរុក្ខជាតិទាំងឡាយ ប្រកបដោយស្រស់បំព្រង។ ពុំមែនជាកម្មសិទ្ធិ របស់ពួកអ្នកទេ ដែលពួកអ្នកនឹងធ្វើឱ្យដុះដាលរុក្ខជាតិរបស់វា។ តើមានម្ចាស់ណា មួយជាមួយនឹងអល់ឡោះនោះ? ប៉ុន្តែពួកគេ គឺជាក្រុមមនុស្សមួយ ដែលប្រាសចាក ពីផ្លូវត្រង់

តើអ្នកណាដែលបានចាត់ផែនដីជាលំនៅឋាន ហើយចាត់ចន្លោះដី ជាទន្លេទាំងឡាយ ចាត់ផែនដីឱ្យមានភ្នំគិរី (ទប់ផែនដី) និងបានចាត់រវាងសមុទ្រពីរ នូវរបាំងមួយ? តើមានម្ចាស់ណាមួយជាមួយនឹងអល់ឡោះឬ? ក៏ប៉ុន្តែភាគច្រើន នៃពួកគេមិនដឹង

តើអ្នកណាដែលឆ្លើយតបទៅកាន់អ្នកដែលជួបគ្រាលំបាក កាលណាអ្នកនោះបានបួងសួងទៅគេ ហើយគេដកចេញអកុសល ហើយចាត់ ពួកអ្នកជាអ្នកគ្រងផែនដី? តើមានម្ចាស់ណាមួយ ជាមួយនឹងអល់ឡោះឬ? តិចតួច បំផុតអ្វីដែលពួកគេនឹកឃើញឡើងវិញ

តើអ្នកណាដែលមគ្គុទ្ទេសដល់ពួកអ្នក នូវភាពងងឹតខ្លាំង នៃដែនគោក និងដែនសមុទ្រ? អ្នកណាដែលចាត់បញ្ជូនវាយោ ដើម្បីជាការរីករាយនៅមុនក្តីអាណិតអាសូររបស់លោកនោះ? តើមានម្ចាស់ណា មួយជាមួយអល់ឡោះឬ? អល់ឡោះខ្ពង់ខ្ពស់បំផុត ពីអ្វីដែលពួកធ្វើគេស៊ីរិក