Surah An-Naml Ayahs #22 Translated in Khmer

រហូតដល់កាលណាពួកគេបានទៅដល់ជ្រលងភ្នំរបស់ ស្រមោច ស្រមោចញីមួយថា ឱស្រមោចទាំងឡាយ! ចូរពួកអ្នកចូលទៅកាន់លំនៅដ្ឋានរបស់ ពួកអ្នក កុំឱ្យស៊ូឡៃម៉ាន និងពួកកងទ័ពរបស់គាត់ជាន់កំទេចពួកអ្នកនឹងបាតជើង ខណៈដែល ពួកគេមិនដឹងខ្លួន

ស៊ូឡៃម៉ានក៏បានញញឹមនូវសំណើចមួយអំពីសំដីរបស់ស្រមោចញីមួយ នោះ ហើយគេនិយាយថា ឱម្ចាស់របស់ខ្ញុំ! សូមលោកមេត្តាអនុញ្ញាតឱ្យខ្ញុំ ដើម្បីខ្ញុំនឹងសំដែង កតញ្ញុតានូវឧបការគុណរបស់លោក ដែលលោកបានប្រទានមកលើខ្ញុំ និងលើមាតាបិតារបស់ ខ្ញុំ ហើយដើម្បីខ្ញុំនឹងសាងកុសលដែលលោកបានពេញចិត្តកុសលនោះ ហើយដោយក្តីអាណិត អាសូររបស់លោក សូមលោកមេត្តាបញ្ចូលខ្ញុំទៅកាន់ក្នុងចំណោមពួកដែលគោរពលោក ដែល ប្រកបដោយគុណធម៌ផង

ហើយគេបានដើរត្រួតពលបក្សី រួចគេថា ហេតុអ្វីបានជាយើង មិនឃើញសត្វហ៊ុទហ៊ុទ(សត្វត្រសេះ)? ឬមួយវាមានក្នុងចំណោមពួកដែលអវត្តមាន

យើង ប្រាកដជានឹងធ្វើទណ្ឌកម្មវានូវទណ្ឌកម្មមួយដ៏ខ្លាំងក្លាបំផុត ឬយើងប្រាកដជានឹងអារករបស់វា ឬមួយវានាំមកកាន់យើងនូវភស្តុតាងមួយដ៏ជាក់ច្បាស់

បក្សីហ៊ុទហ៊ុទក៏បានស្ថិតនៅមិន ឆ្ងាយពេកនោះទេ រួចគេក៏និយាយថា ខ្ញុំបានដឹងជ្រួតជ្រាបនូវអ្វីដែលលោកមិនទាន់បានដឹងវា ជ្រួតជ្រាបទេ ហើយខ្ញុំបានពាំនាំពីសាបាក់មកកាន់លោក នូវព័ត៌មានមួយដ៏ប្រាកដច្បាស់