Surah An-Naml Ayahs #15 Translated in Khmer

លើកលែងតែជនដែលបានបំពារបំពាន ក្រោយមកជននោះបានប្តូរទៅកុសលវិញ បន្ទាប់ពីអកុសល យើងពិតជាអ្នកដែលអភ័យទោសឱ្យ ជា អ្នកដែលអាណិតអាសូរបំផុត

ហើយចូរអ្នកស៊កដៃអ្នកទៅក្នុងប្រឡោះអាវរបស់អ្នក វានឹងចេញ សម្បុរសថ្លា ដោយពុំមែនជាអាក្រក់ទេ។ នៅក្នុងប្រាំបួនភស្តុតាងចំពោះហ្វារ៉ាអុង និងបក្ខពួករបស់ គេ ពួកគេទាំងនោះគឺពិតជាក្រុមមនុស្សដែលខិលខូច

ហើយនៅពេលដែលភស្តុតាងៗរបស់ យើងបានទៅដល់ពួកគេ ដោយជាក់ស្តែង ពួកគេថានេះគឺជាមន្តអាគមមួយយ៉ាងច្បាស់ក្រឡែត

ហើយពួកគេបានបដិសេធភស្តុតាងៗទាំងនោះ ដោយបំពារបំពាន និងក្រអឺតក្រទម ក្នុងខណៈ ដែលខ្លួនគេផ្ទាល់បានជឿជាក់ច្បាស់ចំពោះភស្តុតាងនោះ។ ដូចនេះ ចូរអ្នកពិនិត្យមើលថា តើ ទីបញ្ចប់របស់ពួកប្រព្រឹត្តវឹកវរ ត្រូវបានក្លាយទៅជាយ៉ាងណាដែរ?

ជាការពិតណាស់ យើងក៏បានផ្តល់ចំណេះដឹងទៅដាវូទ និងស៊ូឡៃម៉ាន ហើយអ្នកទាំងពីរថា ការកោតសរសើរ ស្ញប់ស្ញែង គឺសម្រាប់អល់ឡោះ ដែលបានផ្តល់ឧត្តមភាពដល់ពួកយើង លើភាគច្រើននៃបណ្តា អ្នកគោរពរបស់លោកដែលជឿ