Surah Al-Qasas Ayahs #61 Translated in Khmer

ហើយពួកគេថា បើពួកយើង ធ្វើតាមមគ្គុទ្ទេសន៍រួមជាមួយអ្នក គេនឹងឆក់យកពួកយើងពីទឹកដីពួកយើង។ តើយើងមិន ទាន់ធ្វើឱ្យពួកគេតាំងនៅស្ថិតស្ថេរនៅសន្តបូរី (ទឹកដីម៉ាក្កះ) មួយដែលសន្តិភាព ដែលគេនឹង នាំទៅកាន់សន្តបូរីនោះ នូវផលានុផល ជាភាក្សាហារមួយពីយើងទេឬ? ក៏ប៉ុន្តែ ភាគច្រើន នៃពួកគេ នៅតែមិនទាន់យល់ដឹង

ហើយតើចំនួនប៉ុន្មានទៅនៃបូរីដែលយើងបាន ធ្វើឱ្យវិនាសបូរីនោះ បានអួតខ្លួនអំពីជីវភាពរបស់ខ្លួន។ ទាំងនេះហើយលំនៅឋានទាំង ឡាយរបស់ពួកគេ ឥតមានគេស្នាក់នៅទេ បន្ទាប់ពីពួកគេ មានតែបន្តិចបន្តួចប៉ុណ្ណោះ ហើយយើងគឺជាអ្នកដែលត្រូវទទួលមរតក

ម្ចាស់របស់អ្នកពុំមែនជាអ្នកធ្វើឱ្យវិនាស បូរីទាំងឡាយទេ លុះត្រាតែលោកចាត់ទៅក្នុងមាតុបូរីនោះ នូវរ៉សូលម្នាក់ដែលនឹងសូត្រ ទៅលើពួកគេនូវអាយ៉ាត់ៗរបស់យើង។ ហើយយើងក៏ពុំមែនជាអ្នកដែលធ្វើឱ្យវិនាសបូរី ទាំងឡាយនោះដែរ បើសិនអ្នកស្រុកបូរីនោះ ពុំមែនជាពួកអ្នកដែលអយុត្តិធម៌ទេនោះ

វត្ថុណាមួយក៏ដោយ ដែលគេបានផ្តល់ទៅពួកអ្នក គឺជាការសោយសុខជីវិតលោកិយ និង ជាគ្រឿងតុបតែងជីវិតលោកិយ ហើយអ្វីៗដែលនៅក្បែរអល់ឡោះ គឺប្រសើរនិងស្ថិតស្ថេរ ជាង ដូចនេះតើពួកអ្នកមិនយល់ទេឬ?

ដូចនេះ ជនណាដែលយើងបានសន្យាទៅជននោះ នូវការសន្យាមួយដ៏កុសល រួចមកជននោះជាអ្នកជួបកុសលនោះ។ តើដូចគ្នាឬនឹងជនដែល យើងបានផ្តល់ការត្រេកត្រអាលទៅជននោះ នូវភាពសុខស្រួលនៃជីវិតលោកិយ ក្រោយមក ជននោះ នាថ្ងៃងើបឡើងវិញក្នុងចំណោមពួកអ្នកដែលត្រូវនាំខ្លួន (ទៅកាន់នរក)