Surah Al-Qasas Ayahs #37 Translated in Khmer

មូសាថា ឱម្ចាស់ខ្ញុំ! ការពិត ខ្ញុំបានសម្លាប់ជីវិតម្នាក់ក្នុងចំណោមពួកគេ ដូចនេះ ខ្ញុំកំពុងខ្លាចពួកគេនឹង សម្លាប់ខ្ញុំវិញ

ហើយបងប្រុសរបស់ខ្ញុំ គឺហារូន គេមានវាចាប៉ិនប្រសប់ ជាងខ្ញុំខាងសំដី ដូច្នេះ សូមលោកចាត់បញ្ជូនគេទៅជាមួយខ្ញុំ ជាជំនួយការ គេនឹងអះអាងចំពោះខ្ញុំ។ ការពិតខ្ញុំខ្លាចពួកគេនឹងមួលបង្កាច់ចំពោះខ្ញុំ

អល់ឡោះថា ដោយបងប្រុសរបស់អ្នក យើងនឹងពង្រឹងដងដៃអ្នក ហើយ យើងនឹងចាត់ឱ្យអ្នកទាំងពីរមានអនុភាពផ្លូវចិត្ត។ ដូច្នេះ ពួកគេនឹងមិនទៅ ដល់អ្នកទាំងពីរនោះឡើយ។ ដោយសារបណ្តាអាយ៉ាត់របស់យើង អ្នកទាំង ពីរ ព្រមទាំងអ្នកដែលបានធ្វើតាមអ្នកទាំងពីរនោះ គឺជាពួកដែលឈ្នះ

ក្រោយមក នៅពេលដែលមូសាបាននាំទៅដល់ពួកគេ នូវអាយ៉ាត់របស់ យើងដ៏ជាក់ច្បាស់ ពួកគេថានេះគឺគ្មានអ្វីក្រៅពីជាមន្តអាគមមួយ ដែលគេ ប្រឌិតឡើង។ យើងពុំដែលបានឮរឿងនេះទេ តាំងពីដូនតាៗរបស់យើងពី មុនៗមក

ហើយមូសាថា ម្ចាស់របស់ខ្ញុំដឹងបំផុត ចំពោះអ្នកដែលបាន នាំមកដល់នូវមគ្គុទ្ទេសពីលោក ព្រមទាំងចំពោះអ្នកដែលមានកម្មសិទ្ធិចុង បង្ហើយនៃលោកិយ។ ការពិតពួកដែលអយុត្តិធម៌ គ្មានជោគជ័យឡើយ