Surah Al-Mumtahana Ayahs #13 Translated in Khmer

ឱបណ្តាពួកដែលបានជឿ! កាលណាពួកនារីជឿបានមកដល់ពួក អ្នកទាំងភៀសខ្លួន ចូរពួកអ្នកសាកល្បងពួកនាង។ អល់ឡោះដឹងណាស់ ពីជំនឿរបស់ពួកនាង។ រួចមក បើពួកអ្នកបានដឹងថា ពួកនាងជាពួកអ្នកជឿហើយនោះ ពេលនោះ ចូរពួកអ្នកកុំបណ្តោយឱ្យពួកនាងត្រឡប់ ទៅកាន់ពួកអជំនឿវិញ ពួកនាងពុំមែនជាការអនុញ្ញាតមួយសំរាប់ពួកគេនោះ ហើយពួកគេនោះ ក៏ពុំមែននឹងត្រូវអនុញ្ញាតសំរាប់ពួកនាងដែរ ហើយចូរពួកអ្នកផ្តល់ទៅពួកគេទាំងនោះវិញ នូវអ្វីដែលពួក គេបានចំណាយ ហើយមិនថ្វីឡើយលើពួកអ្នក ដែលពួកអ្នករៀបការនឹងពួកនាង កាលណាពួកអ្នកបានផ្តល់ ទៅពួកនាងនូវប្រាក់ខាន់ស្លារបស់ពួកនាង។ ហើយចូរពួកអ្នកកុំកាន់កាប់ដោយចំណងប្តីប្រពន្ធជាមួយពួក ដែលអជំនឿ។ ចូរពួកអ្នកទាមទារអ្វីដែលពួកអ្នកបានចំណាយ ហើយពួកគេត្រូវទាមទារអ្វីដែលពួកគេបាន ចំណាយ។ ហើយចូរពួកគេទាមទារ នូវអ្វីដែលពួកគេបានចំណាយទាំងអស់នេះ ហើយជាការសំរេចរបស់ អល់ឡោះ លោកនឹងសំរេចក្តីរវាងពួកអ្នក ហើយអល់ឡោះជាអ្នកដឹងបំផុត មហាគតិបណ្ឌិត

ហើយ ប្រសិនបើម្នាក់ក្នុងចំណាមភរិយារបស់ពួកអ្នករត់ទៅកាន់ពួកអជំនឿ រួចមកពួកអ្នកដណ្តើមយកមកវិញបាន ពេលនោះ ចូរពួកអ្នកផ្តល់ទៅពួកដែលភរិយាពួកគេបានទៅបាត់ហើយនោះ ដូចអ្វីដែលពួកគេបានចំណាយ ទៅហើយ។ ហើយ ចូរពួកអ្នកគោរពកោតខ្លាចអល់ឡោះ ដែលពួកអ្នកជាពួកដែលជឿនឹងលោក

ឱណាពី កាលណាពួកនារីជំនឿបានមកដល់អ្នក ដែលពួកនាងនឹងធ្វើសច្ចាប្រណិធាន នឹងអ្នក នៅលើករណីពួកនាងមិនស៊ីរិកនឹងអល់ឡោះបន្តិចសោះឡើយ ពួកនាងមិន លួចមិនប្រព្រឹត្តអនីតិសង្វាសទេ មិនធ្វើឃាតបុត្ររបស់ពួកនាងទេ ហើយពួកនាង ក៏នឹងមិននាំមក នូវការបំផ្លើសណាមួយដែលពួកនាងនឹងច្នៃប្រឌិតវាឡើងរវាងដៃ ពួកនាង និងជើងពួកនាង ហើយពួកនាងនឹងមិនបំពានឱវាទអ្នកឡើយ ក្នុងអំពើគប្បី ពេលនោះ ចូរអ្នកធ្វើសច្ចាប្រណិធាននឹងពួកនាងវិញ ហើយចូរអ្នកសុំពីអល់ឡោះ អភ័យទោសឱ្យពួកនាង។ ការពិត អល់ឡោះជាអ្នកអភ័យទោសឱ្យ អាណិតអាសូរ បំផុត

ឱបណ្តាអ្នកដែលជឿ! ចូរពួកអ្នកកុំយកធ្វើជាអ្នកគ្រប់គ្រងចំពោះក្រុម មនុស្សដែលអល់ឡោះបានខឹងសម្បាទៅពួកគេ។ ជាការពិតណាស់ ពួកគេបានបាត់ក្តី សង្ឃឹមពីថ្ងៃអវសាន ដូចដែលពួកអជំនឿបានបាត់ក្តីសង្ឃឹមពីពួកមនុស្សនៅក្នុងផ្នូរ