Surah Al-Maeda Ayahs #54 Translated in Khmer

តើការវិនិច្ឆ័យរបស់ពួកល្ងង់ខ្លៅឬដែលពួកគេស្វែងរក? សម្រាប់មនុស្ស ដែលជឿប្រាកដ តើអ្នកណាដែលល្អជាងអល់ឡោះ ខាងការវិនិច្ឆ័យ?

ឱ ពួកដែលបានជឿ! ចូរពួកអ្នកកុំយកពួកយ៉ាហូទ ឬណាសារ៉ធ្វើជាមេដឹកនាំ។ពួកគេ ជាមិត្តជិតស្និទ្ធរបស់គ្នាគេ។ ជនណាក្នុងចំណោមពួកអ្នក យកពួកគេធ្វើជាមេដឹកនាំ ជននោះពិតជាក្នុងចំណោមពួកគេ។ ការពិតអល់ឡោះមិនមគ្គុទ្ទេសពួកបំពានទេ

ពួកដែលក្នុងចិត្តពួកគេមានជំងឺ អ្នកឃើញពួកគេរួសរាន់បំផុតចុះចូលក្នុងពួកនោះ ពួក គេថា ពួកយើងបារម្ភខ្លាចក្រែងមានវិបត្តិណាមួយត្រូវពួកយើង។ ជួនកាលអល់ឡោះ នាំមកនូវជ័យជំនះ ឬនូវបទបញ្ជាណាមួយពីលោក ពេលនោះពួកគេនឹងក្លាយទៅ ជាអ្នកមានវិប្បដិសារី ចំពោះអ្នកដែលពួកគេបានលាក់ក្នុងខ្លួនពួកគេ

ហើយពួក ដែលបានជឿនឹងនិយាយថា តើពួកទាំងនេះឬ ដែលបានសច្ចានឹងអល់ឡោះ ដោយ ការសច្ចាពួកគេយ៉ាងម៉ឺងម៉ាត់ថា ពួកគេពិតជានៅរួមជាមួយពួកអ្នក។ អំពើរបស់ពួក គេត្រូវបានរលាយអស់ ហើយពួកគេបានក្លាយជាអ្នកខាតបង់

ឱ ពួកដែលបាន ជឿ! ជនណាហើយ ក្នុងចំណោមពួកដែលបានត្រឡប់ក្រោយពីសាសនារបស់ខ្លួន អល់ឡោះនឹងនាំមកនូវក្រុមមនុស្សមួយដែលលោកស្រលាញ់ពួកគេ ហើយពួកគេក៏ ស្រលាញ់លោក ដែលលំទោនទៅលើពួកមានជំនឿ និងមានអានុភាពទៅលើពួក អជំនឿ ពួកគេតស៊ូបុព្វហេតុមាគ៌ាអល់ឡោះ ពួកគេឥតខ្លាចរអែងចំពោះការចំអក ពីអ្នកដែលប្រមាថណាម្នាក់ឡើយ។ នេះគឺជាការអនុគ្រោះរបស់អល់ឡោះ ដែល លោកបានប្រទានជនដែលលោកប្រាថ្នា។ឱ្យ ហើយអល់ឡោះជាអ្នកទូលាយក្រៃលែង ជាអ្នកដឹងបំផុត