Surah Al-Maeda Ayahs #119 Translated in Khmer

អល់ឡោះថា ការពិតយើងជាអ្នកបញ្ចុះ អាហារទៅលើពួកអ្នក។ ប៉ុន្តែបន្ទាប់មក ក្នុងចំណោមពួកអ្នក ជនណាដែលបាត់បង់ ជំនឿ យើងនឹងដាក់ទោសគេនូវទណ្ឌកម?មួយ ដែលយើងមិនដែលដាក់ទោសនោះទៅ កាន់ជនណាម្នាក់នៃលោកទាំងមូលឡើយ

ហើយនៅពេលដែលអល់ឡោះថា ឱ អ៊ីសាបុត្រាម៉ារីយ៉ាំ តើអ្នកមានបាននិយាយទៅមនុស្សទាំងឡាយថា ចូរពួកអ្នកយក យើង និងមាតាយើង ធ្វើជាម្ចាស់ទាំងពីរនាក់ក្រៅពីអល់ឡោះឬ? អ៊ីសាថា មហាកិត្តិ គុណលោក គ្មានទេសម្រាប់ខ្ញុំ ការនិយាយពីអ្វីដែលពុំមែនជាសិទ្ធិរបស់ខ្ញុំ។ បើខ្ញុំធ្លាប់ និយាយពាក្យនោះ ក៏លោកប្រាកដជាដឹង។ លោកដឹងនូវអ្វីដែលមានក្នុងខ្លួនខ្ញុំ ហើយ ខ្ញុំមិនដឹងទេ នូវអ្វីអំពីលោក។ លោកពិតជាដឹងបំផុតនូវប្រការអទិស្សមានទាំងឡាយ

ខ្ញុំមិនបាននិយាយទៅពួកគេ ក្រៅពីអ្វីដែលលោកបានបញ្ជាមកខ្ញុំនោះឡើយ គឺ ចូរពួកអ្នកគោរពប្រណិប័តន៍អល់ឡោះជាម្ចាស់យើង និងម្ចាស់ពួកអ្នក។ ហើយខ្ញុំជា សាក្សីលើពួកគេ ដរាបណាខ្ញុំនៅក្នុងចំណោមពួកគេ។ នៅពេលដែលលោកបញ្ចប់ ជីវិតខ្ញុំ លោកជាអ្នកតាមឃ្លាំមើលពួកគេ។ ហើយលោកជាសាក្សីលើអ្វីៗទាំងអស់

បើលោកដាក់ទោសពួកគេ ពួកគេជាខ្ញុំរបស់លោក។ ប៉ុន្តែបើលោកនឹងអភ័យ ទោសឱ្យពួកគេ គឺលោកពិតជាអ្នកមានពលានុពល គតិបណ្ឌិតបំផុត

អល់ឡោះ ថា នេះគឺថ្ងៃដែលពួកទៀងត្រង់ ទទួលប្រយោជន៍ពីសេចក្តីពិតរបស់ពួកគេ។ សម្រាប់ ពួកគេ ឋានសួគ៌ដែលមានទន្លេហូរកាត់ពីក្រោម ជាពួកអនន្តកាលក្នុងឋានសួគ៌នោះ ដ៏យូរលង់។ អល់ឡោះពេញចិត្តពួកគេ ហើយពួកគេក៏ពេញចិត្តលោក។ ទាំងនេះ ជា ការជោគជ័យដ៏ធំធេងបំផុត