Surah Al-Isra Ayahs #71 Translated in Khmer

ហើយកាលណាបានប៉ះទង្គិចពួកអ្នកដោយគ្រោះនៅសមុទ្រ ពេលនោះបានបាត់បង់អស់ហើយ ជនដែលពួកអ្នកបួងសួង លើកលែងតែចំពោះលោកប៉ុណ្ណោះ។ ក្រោយមក នៅពេលដែល លោកបានសង្គ្រោះពួកអ្នកទៅកាន់ដីគោក ពួកអ្នកបែរជាបានងាកចេញ។ មនុស្សគឺជាអ្នករមិល គុណ

ដូចនេះ តើពួកអ្នកបានសុខសាន្តពីករណីដែលលោកនឹងពន្លិចពួកអ្នកទៅកាន់ផ្នែកមួយ នៃផែនដីឬ? ឬពីករណីដែលលោកនឹងបញ្ជូនព្យុះសង្ឃរាមួយទៅលើពួកអ្នកឬ? ក្រោយមក ពួក អ្នកនឹងមិនប្រទះឃើញ នូវអ្នកគាំពារណាម្នាក់សម្រាប់ពួកអ្នកឡើយ

ឬមួយពួកអ្នកបានសុខ សាន្តពីករណីដែលលោកនឹងនាំពួកអ្នកទៅកាន់សមុទ្រវិញម្តងទៀតឬ? រួចមក លោកនឹងបញ្ជូន ទៅលើពួកអ្នកនូវខ្យល់ព្យុះកំណាច រួចមក លោកនឹងពន្លង់ពួកអ្នកដោយសារអ្វីដែលពួកអ្នកបាន រមិលគុណ។ ពេលនោះ ពួកអ្នកឥតប្រទះសម្រាប់ពួកអ្នក នូវអ្នកណាម្នាក់ជួយតបតនៅលើយើង នូវរឿងនេះបានទេ

ហើយប្រាកដណាស់ យើងបានផ្តល់ភាពថ្លៃថ្នូរជូនបុត្រអាដាម ហើយ យើងបានទ្រ(ផ្តល់ជំនិះ)ពួកគេនៅដែនគោក និងសមុទ្រ ហើយយើងបានប្រទានចំណីអាហារ ដល់ពួកគេពីអ្វីដែលល្អប្រណីត ហើយយើងបានផ្តល់ឧត្តមភាពឱ្យពួកគេេលើសពីភាគច្រើនបំផុត នៃចំណោមអ្វីដែលយើងបានបង្កើតមក

នាថ្ងៃដែលយើងនឹងហៅរាល់ហ្វូងមនុស្សតាម មេដឹកនាំៗរបស់ពួកគេ រួចមក ជនណាដែលត្រូវបានគេផ្តល់នូវបញ្ជីរបស់ពួកគេ តាមខាងស្តាំ របស់ពួកគេ ពួកទាំងអស់នោះហើយដែលនឹងអានបញ្ជីពួកគេ ហើយពួកគេនឹងមិនត្រូវគេបំបាត់ បន្តិចឡើយ