Surah Al-Isra Ayahs #68 Translated in Khmer

ចូរអ្នកអូសទាញចំពោះជនដែលអ្នកមានលទ្ធភាព ក្នុងចំណោមពួកគេ ដោយសំលេង របស់អ្នក។ ហើយចូរអ្នកទន្ត្រំទៅលើពួកគេដោយសេះរបស់អ្នក និងជើងរបស់អ្នក ហើយ ចូរអ្នករួមដៃគូនឹងពួកគេក្នុងទ្រព្យសម្បត្តិ និងកូនចៅ ហើយចូរអ្នកសន្យាចំពោះពួកគេ។ ហើយស្ហៃតនគ្មានសន្យាអ្វីចំពោះពួកគេក្រៅពីការបោកប្រាស់ឡើ់យ

ការពិតពួកដែល គោរពយើង អ្នកគ្មានសិទ្ធិអំណាចទៅលើពួកគេទេ។ វាគ្រប់គ្រាន់ណាស់ម្ចាស់របស់អ្នក ជា អ្នកដែលគាំពារ

ម្ចាស់ពួកអ្នក ដែលរុញច្រាននាវាក្នុងសមុទ្រឱ្យពួកអ្នក ដើម្បីពួកអ្នកស្វែង រកការុណភាពរបស់លោក។ លោកពិតជាអ្នកដែលអាណិតអាសូរចំពោះពួកអ្នកបំផុត

ហើយកាលណាបានប៉ះទង្គិចពួកអ្នកដោយគ្រោះនៅសមុទ្រ ពេលនោះបានបាត់បង់អស់ហើយ ជនដែលពួកអ្នកបួងសួង លើកលែងតែចំពោះលោកប៉ុណ្ណោះ។ ក្រោយមក នៅពេលដែល លោកបានសង្គ្រោះពួកអ្នកទៅកាន់ដីគោក ពួកអ្នកបែរជាបានងាកចេញ។ មនុស្សគឺជាអ្នករមិល គុណ

ដូចនេះ តើពួកអ្នកបានសុខសាន្តពីករណីដែលលោកនឹងពន្លិចពួកអ្នកទៅកាន់ផ្នែកមួយ នៃផែនដីឬ? ឬពីករណីដែលលោកនឹងបញ្ជូនព្យុះសង្ឃរាមួយទៅលើពួកអ្នកឬ? ក្រោយមក ពួក អ្នកនឹងមិនប្រទះឃើញ នូវអ្នកគាំពារណាម្នាក់សម្រាប់ពួកអ្នកឡើយ