Surah Al-Isra Ayahs #28 Translated in Khmer

ហើយដោយក្តីអាណិតអាសូរ ចូរអ្នកបន្ទាបចំពោះលោកទាំងពីរនៃស្លាប ដោយការថ្នាក់ថ្នម។ ហើយចូរអ្នកពោលថា ឱ ម្ចាស់ខ្ញុំ! សូមលោកមេត្តាអាណិតអាសូរលោកទាំងពីរ ដូចលោកទាំង ពីរបានថែរក្សាខ្ញុំកាលពីនៅក្មេងតូច

ម្ចាស់ពួកអ្នកដឹងបំផុត នូវអ្វីដែលមានក្នុងខ្លួនពួកអ្នក។ ប្រសិនបើពួកអ្នក ជាពួកដែលសាងកុសល លោកពិតជាអ្នកអភ័យទោសឱ្យចំពោះពួកដែលវិល ត្រឡប់

ហើយចូរអ្នកផ្តល់ទៅកាន់អ្នកជិតខាងនូវសិទ្ធិរបស់គេ ជនក្រីក្រ និងអ្នកដំណើរ ហើយចូរអ្នកកុំកញ្ជះកញ្ជាយដោយឥតសំចៃទុក

ជាការពិតណាស់ ពួកដែលកញ្ជះកញ្ជាយ គឺជាបងប្អូននឹងពួកស្ហៃតន។ ហើយស្ហៃតនជាអ្នកដែលអកតញ្ញូបំផុត ចំពោះម្ចាស់របស់គេ

ហើយជួនកាលអ្នកបែរងាកពីពួកគេ ដោយសារស្វែងរកក្តីអាណិតអាសូរពីម្ចាស់របស់អ្នក អ្នកសង្ឃឹមចំពោះក្តីអាណិតអាសូរនោះ ពេលនោះ ក៏អ្នកត្រូវតែពោលទៅកាន់ពួកគេ នូវពាក្យសំដីមួយប្រកបដោយទន់ភ្លន់