Surah Al-Isra Ayahs #27 Translated in Khmer

ហើយម្ចាស់របស់អ្នក បានត្រាស់បង្គាប់មិនឱ្យពួកអ្នកប្រណិប័តន៍ក្រៅពី ឆ្ពោះទៅលោកឡើយ។ ហើយជាមួយនឹងមាតាបិតា ត្រូវសាងកុសល។ ជួនកាលមួយនាក់ក្នុង ចំណោមទាំងពីរនាក់ ឬទាំងពីរនាក់ នៃមាតាបិតាដែលនៅរស់ក្បែរអ្នក រហូតដល់ចាស់ជរា ពេលនោះ ចូរអ្នកកុំពោលទៅកាន់លោកទាំងពីរ នូវពាក្យប្រមាថមើលងាយ ហើយចូរអ្នកកុំ គំហកដាក់លោកទាំងពីរ តែត្រូវអ្នកពោលពាក្យទៅកាន់លោកទាំងពីរ នូវសំដីមួយដ៏ថ្លៃថ្នូរ

ហើយដោយក្តីអាណិតអាសូរ ចូរអ្នកបន្ទាបចំពោះលោកទាំងពីរនៃស្លាប ដោយការថ្នាក់ថ្នម។ ហើយចូរអ្នកពោលថា ឱ ម្ចាស់ខ្ញុំ! សូមលោកមេត្តាអាណិតអាសូរលោកទាំងពីរ ដូចលោកទាំង ពីរបានថែរក្សាខ្ញុំកាលពីនៅក្មេងតូច

ម្ចាស់ពួកអ្នកដឹងបំផុត នូវអ្វីដែលមានក្នុងខ្លួនពួកអ្នក។ ប្រសិនបើពួកអ្នក ជាពួកដែលសាងកុសល លោកពិតជាអ្នកអភ័យទោសឱ្យចំពោះពួកដែលវិល ត្រឡប់

ហើយចូរអ្នកផ្តល់ទៅកាន់អ្នកជិតខាងនូវសិទ្ធិរបស់គេ ជនក្រីក្រ និងអ្នកដំណើរ ហើយចូរអ្នកកុំកញ្ជះកញ្ជាយដោយឥតសំចៃទុក

ជាការពិតណាស់ ពួកដែលកញ្ជះកញ្ជាយ គឺជាបងប្អូននឹងពួកស្ហៃតន។ ហើយស្ហៃតនជាអ្នកដែលអកតញ្ញូបំផុត ចំពោះម្ចាស់របស់គេ