Surah Al-Hashr Ayahs #11 Translated in Khmer

អ្វីដែលអល់ឡោះបានប្រទានទៅលើរ៉សូល លោក ពីទ្រព្យជ័យភណ្ឌរបស់អ្នកស្រុកភូមិទាំងឡាយ គឺជាកម្មសិទ្ធិរបស់អល់ឡោះ សំរាប់រ៉សូល និងសំរាប់ញាតិវង្ស និងកូនកំព្រា ជនក្រីក្រ និងអ្នកដំណើរ ដើម្បីកុំឱ្យ វិលវល់ ក្នុងចំណោមពួកអ្នកមាននៃពួកអ្នកប៉ុណ្ណោះ។ ហើយអ្វីដែលរ៉សូលបានផ្តល់ ទៅពួកអ្នក ចូរពួកអ្នកទទួលយកវា ហើយអ្វីដែលគេបានហាមឃាត់ពួកអ្នកនោះ ចូរពួក អ្នកបញ្ឈប់។ ហើយចូរពួកអ្នកគោរពកោតខ្លាចអល់ឡោះ។ ការពិតអល់ឡោះ ជាអ្នក តឹងរ៉ឹងបំផុត នៃការធ្វើទោស

សំរាប់ពួកទីទ័លក្រដែលភៀសខ្លួន ដែលពួកគេត្រូវគេ បណ្តេញចេញពីភូមិដ្ឋានរបស់ពួកគេ និងពីទ្រព្យសម្បត្តិរបស់ពួកគេ ពួកគេស្វែងរក ការអនុគ្រោះ និងការយល់ព្រមពីអល់ឡោះ ហើយពួកគេជួយអល់ឡោះ និងរ៉សូល លោក។ ពួកទាំងនេះហើយ ជាពួកដែលជឿពិត

ហើយពួកដែលរស់នៅស្រុកម៉ាទីណះ និងមានជំនឿ តាំងពីមុនពួកគេទាំងនេះ ពួកគេស្រលាញ់ពេញចិត្តចំពោះពួកដែលបាន ភៀសខ្លួនទៅកាន់ពួកគេ ហើយពួកគេគ្មានសោះនៅក្នុងទ្រូងរបស់ពួកគេ នូវសេចក្តី ត្រូវការណាមួយ នៃអ្វីដែលគេបានផ្តល់ទៅពួកគេ ហើយពួកគេផ្តល់អាទិភាពលើស ពីខ្លួនពួកគេផ្ទាល់ ទោះបីមានការខ្វះខាតនឹងពួកគេយ៉ាងណាក៏ដោយ។ ហើយជនណា ដែលគេការពារនូវភាពកំណាញ់របស់ខ្លួនគេផ្ទាល់ ពួកនេះហើយជាពួកជោគជ័យ

ហើយពួកដែលបានមកដល់បន្ទាប់ពីពួកគេទាំងនេះ ពួកគេនិយាយថា ឱម្ចាស់របស់ យើង សូមលោកមេត្តាអភ័យទោសឱ្យយើង និងឱ្យពួកបងប្អូនយើងដែលបានជំនឿមុន យើង ហើយសូមលោកមេត្តាកុំដាក់ទៅក្នុងចិត្តរបស់យើង នូវគំនុំមួយចំពោះពួកដែល បានជឿ ឱម្ចាស់របស់យើង! ការពិតលោកជាអ្នកមេត្តាករុណាអាណិតអាសូរបំផុត

តើអ្នកមិនឃើញទេឬ? ចំពោះពួកដែលបានលាក់ពុតនិយាយទៅកាន់បងប្អូនរបស់ពួក គេ ដែលមិនបានជឿនៃក្រុមអះលីគីតាបថា ប្រសិនបើពួកអ្នកត្រូវគេបណ្តេញចេញ ពួក យើងប្រាកដជានឹងចេញ រួមជាមួយនឹងពួកអ្នកដែរ ហើយក្នុងរឿងពួកអ្នកនេះ ពួកយើង មិនគោរពតាមអ្នកណាម្នាក់ទេជារៀងរហូត។ ហើយបើពួកអ្នកត្រូវបានគេប្រយុទ្ធ យើង ប្រាកដជានឹងជួយពួកអ្នក ខណៈដែលអល់ឡោះធ្វើសាក្សី ការពិតពួកគេជាពួកភូតកុហក