Surah Al-Hajj Ayahs #40 Translated in Khmer

ចំពោះ សត្វអូដ្ឋសម្រាប់ពួកអ្នក យើងបានចាត់ទុកសត្វអូដ្ឋនោះ មួយចំណែកនៃនិមិត្តរូបទាំងឡាយរបស់ អល់ឡោះ សម្រាប់ពួកអ្នកក្នុងរឿងសត្វអូដ្ឋនេះគឺជាកុសលមួយ។ ដូចនេះចូរពួកអ្នករំលឹកឈ្មោះ អល់ឡោះលើសត្វអូដ្ឋ ខណៈដែលជើងវាឈរតំរៀបជួរ (ខណៈពេលដែលគេប្រុងសំឡេះ)។ បន្ទាប់មកកាលណាសត្វអូដ្ឋនោះបានដេកស្តូកស្តីងហើយ ចូរពួកអ្នកបរិភោគចំណីខ្លះនៃសាច់ ហើយ ចូរអ្នកផ្តល់ជាភាក្សាហារ ដល់ជនដែលមានជីវភាពគ្រប់គ្រាន់ (អ្នកមិនសុំ) ហើយជូនទៅដល់ជន ទុរគត(អ្នកសុំ) ប្រៀបដូចទាំងនេះហើយ ដែលយើងបានសំរួលសត្វទាំងនោះឱ្យពួកអ្នក ដើម្បីពួកអ្នក សំដែងបដិការគុណ

នឹងមិនអាចដល់ទៅអល់ឡោះទេសាច់សត្វអូដ្ឋ ហើយក៏មិនអាចដល់ដែរ ឈាមរបស់វា ក៏ប៉ុន្តែនឹងដល់ទៅលោកនោះគឺការកោតខ្លាចពីពួកអ្នក។ ប្រៀបដូចនេះហើយដែល យើងបានសំរួលសត្វអូដ្ឋនោះឱ្យពួកអ្នក ដើម្បីពួកអ្នកនឹងលើកតម្កើងអល់ឡោះ ទៅលើអ្វីដែលលោក បានមគ្គុទ្ទេសពួកអ្នក។ ហើយចូរអ្នកជូនដំណឹងរីករាយចំពោះពួកអ្នកកុសលផង

អល់ឡោះពិតជា គាំពារពួកដែលបានជឿ។ អល់ឡោះពិតជាមិនស្រលាញ់រាល់អ្នកដែលក្បត់ ដែលរមិលគុណ

ត្រូវបានគេអនុញ្ញាតឱ្យការពារខ្លួន សម្រាប់ពួកដែលត្រូវគេវាយលុក ដោយហេតុថា ពួកគេ ត្រូវបានគេធ្វើបាប ហើយទៅលើការជួយដល់ពួកអ្នកទាំងនោះ អល់ឡោះពិតជាអ្នកមាន សមត្ថភាពបំផុត

គឺពួកដែលត្រូវគេបានបណ្តេញចេញពីគេហដ្ឋានរបស់ពួកគេ ដោយ ឥតត្រឹមត្រូវសោះ ព្រោះតែពួកគេទាំងនេះពោលពាក្យថា ម្ចាស់របស់ពួកយើងគឺអល់ឡោះ ។ ប្រសិនបើគ្មានការទប់ស្កាត់ពីអល់ឡោះ ចំពោះមនុស្សដោយភាគខ្លះនៃពួកគេចំពោះ ភាគខ្លះទេនោះ ប្រាកដជាត្រូវបានគេផ្តួលរំលំនូវអាស្រមបទ អារាមណាសារ៉ អារាម យ៉ាហូទ ម៉ាស្ជិទដែលគេតែងរំលឹកនាមអល់ឡោះនៅទីនោះជាច្រើនកុះករ។ ហើយ អល់ឡោះប្រាកដជានឹងជួយគាំទ្រដល់ជនដែលជួយគាំទ្រសាសនាលោក។ អល់ឡោះ ប្រាកដជាមានប្រពលភាព ពលានុភាពបំផុត