Surah Al-Hajj Ayahs #29 Translated in Khmer

តាមពិតពួកអ្នកដែលមិនបានជឿ និងរារាំងគេ ពីផ្លូវអល់ឡោះ និងពីម៉ាស្ជីទិលហារ៉ម ដែលយើងបានតាំងម៉ាស្ជីទិលហារ៉ម នោះឡើងសម្រាប់មនុស្ស ទោះបីជាអ្នកតាំងលំនៅដ្ឋាននៅទីនោះ និងអ្នកឆ្លង កាត់ក៏ដោយ។ ហើយជនណាដែលមានបំណងប្រព្រឹត្តឃោរឃៅនៅទីពិសិដ្ឋ ដោយអយុត្តិធម៌នោះ យើងប្រាកដជានឹងឱ្យជននោះស្គាល់រសជាតិនៃទណ្ឌកម្ម ដ៏ខ្លោចផ្សាបំផុត

ហើយនៅខណៈដែលយើងបានបង្ហាញឱ្យអ៊ីព្រហ៊ីម នូវ ទីកន្លែងកាក់ពះ (ដើម្បីសាងសង់) លោកបានពោលថា ចូរអ្នកកុំស៊ីរិកនឹង យើងឱ្យសោះ ហើយចូរអ្នកសំអាតកាក់ពះរបស់យើង សម្រាប់ពួកអ្នកតវ៉ាហ្វ និងពួកអ្នកដែលឈរ ហើយរូកុ ស៊ូជោទ (សឡាតិ៍)

ហើយចូរអ្នកប្រកាស ទៅក្នុងចំណោមមនុស្ស នូវហជ្ជ ពួកគេនឹងទៅដល់អ្នកទាំងថ្មើរជើង និងទាំង លើគ្រប់សត្វអូដ្ឋស្ឋម្គ ពួកគេនឹងទៅដល់មកពីគ្រប់ផ្លូវឆ្ងាយៗ

ដើម្បីពួក គេធ្វើជាសាក្សី នូវអត្ថប្រយោជន៍ទាំងឡាយសម្រាប់ពួកគេ ហើយដើម្បីពួកគេ នឹងរំលឹកឈ្មោះអល់ឡោះ នៅក្នុងទិវាដែលកំណត់នៅលើសត្វពាហនៈ ដែល លោកបានប្រទានជាចំណីដល់ពួកគេ ហេតុដូចនេះ ចូរពួកអ្នកបរិភោគសាច់ សត្វទាំងនោះ ហើយចូរពួកអ្នកផ្តល់ឱ្យជនទីទ័លក្រតោកយ៉ាកបានបរិភោគ

ក្រោយមក ចូរពួកគេសម្អាតនូវកម្អែលពីខ្លួនប្រាណរបស់ពួកគេ ហើយចូរពួកគេ បំពេញសច្ចាប្រណិធានរបស់ពួកគេ ហើយចូរពួកគេតវ៉ាហ្វជុំវិញគេហដ្ឋានដ៏ បុរាណបំផុត