Surah Al-Fath Ayahs #29 Translated in Khmer

នៅពេលដែលពួកអជំនឿ បានដាក់ទុកទៅក្នុងចិត្ត ថ្លើមរបស់ពួកគេ នូវភាពឃោរឃៅ ជាភាពឃោរឃៅរបស់ពួកអវិជ្ជានិយម អល់ឡោះ ក៏បានដាក់ចុះនូវភាពស្ងប់ស្ងៀមរបស់លោក ទៅលើរ៉សូលលោក និងទៅលើពួកជន ជំនឿ ហើយលោកបានតម្រូវទៅពួកគេ នូវពាក្យគោរពកោតខ្លាចក្នុង ករណីដែល ពួកគេជាពួកសក្តិសមបំផុតនឹងពាក្យនោះ ហើយជាញាតិវង្សរបស់ពាក្យនោះទៀត ផង។ អល់ឡោះជាអ្នកដឹងបំផុត នូវវត្ថុសព្វសារពើ

ការពិតអល់ឡោះ បាន បញ្ជាក់ជូនរ៉សូលរបស់លោក នូវចក្ខុនិមិត្តដោយសច្ចៈ។ ប្រសិនបើអល់ឡោះ ប្រាថ្នា ពួកអ្នកប្រាកដជានឹងចូលទៅម៉ាស្ជីទិលហារ៉មដោយសុខសន្តិភាព ដោយកោរក្បាល របស់ពួកអ្នក និងដោយកាត់សក់ ពួកអ្នកនឹងមិនភ័យខ្លាចឡើយ។ ដូចនេះ លោក បានដឹងនូវអ្វីដែលពួកអ្នកមិនទាន់ដឹង រួចបន្ទាប់ពីនោះមក លោកបានផ្តល់នូវជ័យ ជំនះមួយដ៏ជិតបង្កើយ

លោកដែលបានចាត់បញ្ជូនរ៉សូលរបស់លោក ដោយម គ្គុទ្ទេសក៍ និងសាសនាដ៏សច្ចៈ ដើម្បីលោកនឹងធ្វើអធិជ័យ (លេចធ្លោ) សាសនានោះ ទៅលើសាសនាទាំងអស់។ ហើយវាគ្រប់គ្រាន់ណាស់អល់ឡោះជាសាក្សីម្នាក់

មូហាំម៉ាត់ គឺជារ៉សូលអល់ឡោះ។ ហើយពួកដែលរួមជាមួយគាត់គឺរឹងមាំ បំផុត ទៅលើពួកជនអជំនឿ អាណិតអាសូរបំផុតរវាងពួកគេ។ អ្នកឃើញ ពួកគេអោនគោរពស៊ូជោទ ពួកគេស្វែងរកការុណភាពពីអល់ឡោះ និង ការយល់ព្រម។ សញ្ញារបស់ពួកគេ នៅឯមុខរបស់ពួកគេ ដោយសារស្លាក ស្នាមនៃស៊ូជោទ។ ទាំងនេះ គឺរូបភាពរបស់ពួកគេនៅក្នុងតាវរ៉ត ហើយ រូបភាពរបស់ពួកគេនៅក្នុងអិនជីល។ ប្រៀបដូចជាគ្រាប់ពូជមួយដែលបាន បញ្ចោញនូវការលូតលាស់របស់វា រួចមក វាបានធ្វើឱ្យរឹងមាំ រួចមក វាបាន ឡើងក្រាស់ រួចមក វាបានងើបឡើងនៅលើដើមរបស់វា វាធ្វើឱ្យស្ញប់ស្ញែង ដល់អ្នកចំការ ដើម្បីលោកខឹងនឹងពួកជនអជំនឿដោយសារពួកគេ(ពួកជឿ)។ អល់ឡោះបានសន្យាដល់ពួកដែលជឿ ហើយបានសាងកុសលទាំងឡាយ ក្នុងចំណោមពួកគេ នូវការអភ័យទោសមួយ និងរង្វាន់មួយដ៏ធំក្រៃលែង