Surah Al-Baqara Ayahs #102 Translated in Khmer

ជនណាដែលជាសត្រូវចំពោះអល់ឡោះ ម៉ាឡាអ៊ីកាត់លោក រ៉សូលលោក ជីព្រីល និងមីកាល គឺ អល់ឡោះពិត ជាសត្រូវចំពោះពួកដែលមិនជឿ

ហើយជាការពិតណាស់យើងបាន បញ្ចុះទៅអ្នកនូវអាយ៉ាត់ទាំងឡាយដ៏ច្បាស់លាស់។ ហើយគ្មានជនណា ដែលមិនជឿនឹងអាយ៉ាត់ទាំងនោះ ក្រៅពីពួកខិលខូចឡើយ

ចុះហេតុ អ្វីនៅរាល់គ្រាដែលពួកគេបានសន្យានូវការសន្យាណាមួយ ហើយពួកគេ មួយក្រុមតែងតែបានបោះបង់ការសន្យានោះ។ មិនតែប៉ុណ្ណោះ ពួកគេ ភាគច្រើនមិនមានជំនឿ

ហើយនៅពេលមានរ៉សូលណាម្នាក់ពី អល់ឡោះបានទៅដល់ពួកគេ ដោយបញ្ជាក់ពីអ្វីដែលមាននៅជាមួយពួក គេស្រាប់នោះ មួយក្រុមនៃពួកដែលត្រូវបានគេផ្តល់គម្ពីរឱ្យនោះ បានបោះ បង់គម្ពីរអល់ឡោះដាក់ពីក្រោយខ្នងពួកគេ ហាក់បីដូចពួកគេមិនដឹង

ពួកគេបានគោរពតាមអ្វីដែលពួកស្ហៃតន? បានសូត្រនៅលើរាជបល្ល័ង្ករបស់ សូឡៃម៉ាន។ មិនមែនសូឡៃម៉ានមិនបានជឿនោះទេ ក៏ប៉ុន្តែពួកស្ហៃតនទេ ដែលមិនបានជឿនោះ។ ពួកគេបានបង្រៀនមនុស្សឱ្យចេះមន្តអាគម។ វិជ្ជា នេះ មិនត្រូវបានបញ្ចុះទៅលើម៉ាឡាអ៊ីកាត់ទាំងពីរ គឺហារូត ម៉ារូតនៅឯ ញ្ហោពលនោះទេ។ ម៉ាឡាអ៊ីកាត់ទាំងពីរនេះ ក៏មិនដែលបង្រៀនជនណាម្នាក់ ទេ លុះត្រាតែគេទាំងពីរនោះបាននិយាយថា ការពិតពួកយើងគ្រាន់តែជា ការសាកល្បងតែប៉ុណ្ណោះ ហេតុនេះ ចូរអ្នកកុំបោះបង់ជំនឿ។ មនុស្សក៏បាន រៀនសូត្រពីពួកគេ នូវរឿងដែលអាចបំបែកបំបាក់រវាងស្វាមី និងភរិយា ដោយសារវិជ្ជានេះ។ ហើយដោយសារវិជ្ជានេះ ពួកគេមិនមែនជាអ្នកនាំ ឧបសគ្គដល់ជនណាម្នាក់ទេ លុះត្រាតែដោយការអនុញ្ញាតអំពីអល់ឡោះ។ ពួកគេរៀនវិជ្ជាដែលនាំឧបសគ្គ និងមិនផ្តល់ផលប្រយោជន៍ដល់ពួកគេទេ។ ជាការពិតណាស់ ពួកគេបានដឹង ជនណាដែលបានជ្រើសរើសយកវិជ្ជានេះ គឺមិនមានសំណាងណាមួយសម្រាប់គេនៅបរលោកឡើយ។ អាក្រក់ណាស់ ដែលពួកគេបានជ្រើសរើសយកវិជ្ជានេះសម្រាប់ខ្លួនគេ ប្រសិនបើពួកគេធ្លាប់ បានដឹងនោះ