Surah Al-Baqara Ayahs #286 Translated in Khmer

ប្រសិនបើពួកអ្នកស្ថិតក្នុងដំណើរ ហើយពួកអ្នកគ្មានស្បៀងគឺត្រូវបញ្ចាំវត្ថុដែលត្រូវគេក្តាប់។ ប្រសិនបើទុកចិត្តគ្នាទៅវិញទៅមកហើយអ្នកដែលត្រូវបានទុកចិត្តត្រូវបំពេញទំនុកចិត្តរបស់ខ្លូន ហើយត្រូវគោរពកោតខ្លាចអល់ឡោះម្ចាស់ខ្លូន។ ហើយចូរពួកអ្នកកុំលាក់សាក្សី។ជនណាដែលបានលាក់សាក្សីជននោះពិតជាមនុស្សសាងបាបផ្លួវចិត្តរបស់ខ្លូន។ អល់ឡោះដឹងបំផុតនូវអ្វីដែលពួកអ្នកបាន ប្រព្រឹត្ត

កម្មសិទ្ធិរបស់អល់ឡោះ គឺអ្វីដែលនៅឯមេឃនិងអ្វីដែលមាននៅឯដី។ បើសិនពួកអ្នកលាតត្រដាងនូវអ្វីដែលមាននៅក្នុងខ្លួនពួកអ្នកឬពួកអ្នកលាក់វាក៏អល់ឡោះនឹងទូទាត់វាជាមួយពួកអ្នកដែរ។ រួចមក លោកនឹងប្រោសប្រណីចំពោះជនណាដែលលោកសោមនស្សហើយលោកនឹងដាក់ទោសទណ្ឌកម្ម ចំពោះជនណាដែលលោកប្រាថ្នា។អល់ឡោះជាអ្នកមហិទ្ធិប្ញទ្ធិបំផុតលើអ្វីៗទាំងអស់

រ៉សូលនិងអ្នកដែលមានជំនឿបានជឿនឹងអ្វីដែលម្ចាស់របស់គេបានបញ្ចុះទៅគេ។ ទាំងអស់គ្នាបានជឿនឹងអល់ឡោះម៉ាឡាអ៊ីកាត់គម្ពីរនិងរ៉សូលរបស់លោក។ ពួកយើងមិនបែងចែកទេរវាងរ៉សូលរបស់លោក។ ពួកគេថាពួកយើងបានឮហើយនិងបានគោរពហើយ។ សុំការប្រោសប្រណីរបស់លោកឱម្ចាស់របស់យើងឆ្ពោះទៅកាន់លោកគឺកន្លែងវិលត្រលប់

អល់ឡោះមិនតម្រូវ ចំពោះបុគ្គលណាម្នាក់លើសពីលទ្ធភាពរបស់ខ្លូនទេ។ បុគ្គលនោះត្រូវបានអ្វីដែល ខ្លួនបានសាង ហើយបុគ្គលនោះត្រូវរងអ្វីដែលខ្លួនបានប្រព្រឹត្ត។ ឱម្ចាស់យើង! សូមលោកកុំប្រកាន់ទោសពៃរ៍ចំពោះយើង ប្រសិនបើយើងបានភ្លេចភ្លាំង ឬយើង ធ្វើខុស។ ឱម្ចាស់យើង សូមលោកកុំដាក់បន្ទុកលើយើងធ្ងន់ធ្ងរ ដូចដែលលោក បានដាក់បន្ទុកពួកកាលពីមុនយើង។ ឱម្ចាស់របស់យើង សូមលោកមេត្តាកុំប្រទុក្ខប្រដាក់មកលើយើងនូវអ្វីដែលលើសពីលទ្ធភាពរបស់យើង។ សូមលោកលុបលាង(កំហុស)ពីយើងនិងសូមប្រោសប្រណីដល់យើង និងសូមផ្តល់ក្តីមេត្តាករុណាដល់យើងលោកជាអ្នកការពារយើងសូមលោកជួយយើងលើពួកអជំនឿផង