Surah Al-Baqara Ayahs #134 Translated in Khmer

គ្មានជនណាដែលបានស្អប់សាសនាអ៊ីព្រហ៊ីមក្រៅពីជនដែល បានធ្វើឱ្យខ្លួនឯងល្ងង់ខ្លៅនោះឡើយ។ ជាការពិតណាស់ យើងបានជ្រើសរើសគេនៅ ក្នុងលោកិយនេះ ហើយនៅបរលោក គេពិតជាក្នុងចំណោមពួកកុសល

ហើយនៅពេលដែលម្ចាស់គេបាននិយាយទៅកាន់គេថា ចូរអ្នកចុះចូលយើងទៅ ។ គេថា យើងបានចុះចូលចំពោះម្ចាស់ភពទាំងអស់ហើយ

ហើយដោយសារតែសាសនានេះ អ៊ីព្រហ៊ីម និងយ៉ាក់កូបបានផ្តែផ្តាំកូនចៅរបស់គាត់ថា ការពិតអល់ឡោះបានជ្រើសរើសសាសនានេះសម្រាប់ពួកអ្នក។ ហេតុនេះ ចូរពួកអ្នកកុំស្លាប់ លុះត្រាតែពួកអ្នកជាជនមុស្លិមជាមុនសិន

ពួកអ្នកជាសាក្សីឬ? នៅពេលដែលសេចក្តីស្លាប់បានមកដល់យ៉ាក់កូបនោះ ពេលនោះគេបាននិយាយទៅកូនចៅគេថា តើពួកអ្នកគោរពប្រណិប័តន៍អ្វីបន្ទាប់ពីយើង?។ ពួកគេឆ្លើយថា ពួកយើងគោរពប្រណិប័តន៍ម្ចាស់របស់អ្នក និងម្ចាស់របស់ឪពុកអ្នក អ៊ីព្រហ៊ីម អ៊ីស្មាឯល និងអ៊ីសហាក ដែលជាម្ចាស់តែមួយ។ ហើយពួកយើងជាអ្នកចុះចូលចំពោះម្ចាស់នោះ

នោះហើយជាសហគមន៍មួយដែលបានកន្លងផុតទៅ។ សម្រាប់សហគមន៍នោះ គឺអ្វីៗដែលសហគមន៍នោះបានប្រព្រឹត្ត ហើយសម្រាប់ពួកអ្នក គឺអ្វីៗដែលពួកអ្នកបានប្រព្រឹត្ត។ ពួកអ្នកនឹងមិនត្រូវបានគេសួរស្តីពីអ្វីៗដែលពួកគេប្រព្រឹត្តឡើយ