Surah Al-Baqara Ayahs #113 Translated in Khmer

ភាគ ច្រើនណាស់នៃក្រុមអះលីគីតាប បានស្រមើស្រមៃចង់យ៉ាងខ្លាំង ប្រសិនបើ ពួកគេបង្វិលពួកអ្នកទៅកាន់អជំនឿវិញ បន្ទាប់ពីការមានជំនឿរបស់ពួកអ្នក ព្រោះតែការអជំនឿ និងឈ្នានីសអំពីខ្លួនពួកគេផ្ទាល់ បន្ទាប់ពីសេចក្តីពិតបាន លេចធ្លោចំពោះពួកគេហើយនោះ។ ចូរពួកអ្នកអត់អោន ហើយចូរពួកអ្នក បណ្តោយរហូតដល់អល់ឡោះនឹងនាំបទបញ្ជាលោកមក។ ជាការពិតណាស់ អល់ឡោះជាអ្នកដែលមានមហិទ្ធិប្ញទ្ធិលើអ្វីៗទាំងអស់

ចូរពួកអ្នកបញ្ឈរសឡាតិ៍ និងចូរពួកអ្នកផ្តល់ហ្សាកាតិ៍។ អំពើល្អណាមួយដែលពួកអ្នកបាន ត្រៀមសម្រាប់ខ្លូនពួកអ្នកនោះ ពួកអ្នកនឹងជួបអំពើនោះនៅឯអល់ឡោះ។ អល់ឡោះពិតជាអ្នកឃើញបំផុតនូវអ្វីដែលពួកអ្នកបានប្រព្រឹត្ត

ហើយ ពួកគេថា នឹងមិនចូលឋានសួគ៌ឡើយ លុះត្រាតែជននោះជាយ៉ាហ៊ូទី ឬជា ណាសារ៉ា។ ទាំងនោះ គឺជាមហិច្ឆតារបស់ពួកគេ ។ ចូរថាទៅ ចូរពួកអ្នក នាំមកនូវអំណះអំណាងរបស់ពួកអ្នក បើពួកអ្នកជាពួកត្រឹមត្រូវមែន

មិនមែនទេ! ជនណាហើយដែលបានចុះចូលខ្លួនគេចំពោះអល់ឡោះ ហើយ គេជាអ្នកសាងកុសលទៀត សម្រាប់ជននោះ គឺរង្វាន់របស់ខ្លួនពីម្ចាស់របស់គេ។ គ្មានទេការភ័យខ្លាចលើពួកគេ ហើយពួកគេក៏មិនព្រួយបារម្ភផងដែរ

ពួកយ៉ាហ៊ូទថា ពួកណាសារ៉គ្មានសំអាងលើអ្វីទេ។ ហើយពួកណាសារ៉ថា ពួកយ៉ាហ៊ូទគ្មានសំអាងលើអ្វីទេ។ ហើយពួកគេសុទ្ធតែសូត្រគម្ពីរ។ ដូចនេះដែរ ពួកដែលមិនដឹង ក៏បាននិយាយដូចសំដីពួកគេដែរ។ អល់ឡោះនឹង សម្រេចក្តីរវាងពួកគេនាថ្ងៃត្រូវរស់ឡើងវិញ ក្នុងរឿងអ្វីដែលពួកគេធ្លាប់តែ ទំនាស់គ្នា