Surah Al-Araf Ayahs #12 Translated in Khmer

ការថ្លឹងនាថ្ងៃនោះគឺសច្ចៈពិត។ ជនណាហើយដែលអំពើល្អរបស់ គេមានទំងន់ធ្ងន់ ជនទាំងនោះហើយ ជាពួកដែលជោគជ័យ

ជដែលអំពើល្អរបស់គេមាន ទំងន់ស្រាល ជនទាំងនោះហើយ ដែលបានធ្វើឱ្យខាតបង់ខ្លួនឯង បណ្តាលមកពីករណី ដែលពួកគេធ្លាប់បានបំពារបំពាននឹងអាយ៉ាត់ៗយើង

ជាការពិតណាស់ យើងបានប្រទាន លទ្ធភាពដល់ពួកអ្នកនៅលើផែនដី ហើយយើងបានប្រទានឱ្យពួកអ្នក មានជីវភាពជាច្រើន នៅឯភពផែនដី។ តិចតួចបំផុតដែលពួកអ្នកដឹងគុណ

យើងបានបង្កើតពួកអ្នកយ៉ាងប្រាកដ ក្រោយមក យើងបានផ្តល់ទំរង់កាយដល់ពួកអ្នក ក្រោយមកទៀត យើងក៏បាននិយាយទៅ កាន់ពួកម៉ាឡាអ៊ីកាត់ថា ចូរពួកអ្នកលុតក្រាបទៅចំពោះអាដាម រួចពួកម៉ាឡាអ៊ីកាត់ក៏បាន លុតក្រាប លើកលែងតែអិព្លីស្សទេ ដែលមិនមានក្នុងចំណោមពួកដែលលុតក្រាបនោះ

លោកបាននិយាយថា តើអ្វីដែលបានឃាត់អ្នកមិនឱ្យអ្នកលុតក្រាប នៅពេលដែលយើងបានបញ្ជាអ្នក? អិព្លីស្សបានឆ្លើយថា យើងល្អប្រសើរជាងអាដាម លោកបានបង្កើតយើងពីភ្លើង ហើយលោកបានបង្កើត អាដាមពីដី