Surah Al-Araf Ayahs #67 Translated in Khmer

តើពួកអ្នករំភើប ភ្ញាក់ផ្អើលឬ? ស្តីពីការក្រើនរំលឹកមួយបានទៅដល់អ្នក មកពីម្ចាស់របស់ពួកអ្នក តាមរយៈ បុរសម្នាក់ក្នុងចំណោមពួកអ្នក ដើម្បីបុរសនោះនឹងដាស់តឿនពួកអ្នក ដើម្បីពួកអ្នកគោរព កោតខ្លាច និងដើម្បីគេអាណិតអាសូរពួកអ្នក

រួចមក ពួកគេបានមួលបង្កាច់បុរសនោះ ក្រោយមក យើងបានសង្គ្រោះបុរសនោះ និងសង្គ្រោះពួកដែលរួមជាមួយបុរសនោះនៅក្នុង សំពៅ ហើយយើងបានពន្លិចពួកដែលបានបដិសេធ ចំពោះអាយ៉ាត់ទាំងឡាយរបស់យើង។ ពួកគេទាំងនោះ ពិតជាក្រុមមនុស្សខ្វាក់

ហើយឆ្ពោះទៅក្រុមអាទ (យើងបានចាត់) ភាតា (បងប្អូនប្រុស)របស់គេគឺហ៊ូទ។ គាត់បាននិយាយថា ឱក្រុមរបស់យើង! ចូរពួកអ្នកគោរព ប្រណិប័តន៍អល់ឡោះ។ សំរាប់ពួកអ្នក គ្មានម្ចាស់ជាទីសក្ការៈណាមួយក្រៅពីលោកទេ។ តើ ពួកអ្នកមិនព្រមគោរពកោតខ្លាចទេឬ?

អ្នកមុខអ្នកការនៃក្រុមពួកហ៊ូទដែលគ្មានជំនឿបាន និយាយថា ពួកយើងពិតជាប្រទះឃើញអ្នកស្ថិតក្នុងភាពល្ងង់ខ្លៅ ហើយពួកយើងគិតថា អ្នក ពិតជាស្ថិតក្នុងចំណោមពួកអ្នកដែលភូតកុហក

ហ៊ូទបាននិយាយថា ឱក្រុមរបស់យើង! ភាពល្ងង់ខ្លៅពុំមែននៅលើយើងទេ ក៏ប៉ុន្តែយើង គឺជារ៉សូលមកពីម្ចាស់នៃភពទាំងអស់