Surah Al-Araf Ayahs #179 Translated in Khmer

ហើយចូរអ្នកសូត្រឱ្យពួកគេស្តាប់ នូវសេចក្តីដំណាលរបស់អ្នកដែលយើង បានផ្តល់ទៅឱ្យជននោះនូវអាយ៉ាត់ៗរបស់យើង រួចជននោះក៏បានដកខ្លួនចេញពីអាយ៉ាត់ៗ ទាំងនោះ ក្រោយមក ស្ហៃតនក៏បានអូសទាញជននោះ រួចជននោះ ក៏បានក្លាយទៅក្នុងចំណោម ពួកដែលភ័ន្តវង្វេង

បើយើងមានបំណង យើងប្រាកដជាបានលើកកំពស់ជននោះ ដោយ សារអាយ៉ាត់នោះ ក៏ប៉ុន្តែជននោះបានអោនលំទោនកាយទៅកាន់ផែនដី ព្រមទាំងធ្វើតាម កិលេសតណ្ហារបស់ខ្លួន។ ប្រៀបធៀបជននោះ បីដូចជាឆ្កែមួយ ទោះបីអ្នកដេញវា ក៏វានៅតែ លៀនអណ្តាត ឬអ្នកលែងវា ក៏វានៅតែលៀនអណ្តាតដដែល។ ដូចនេះដែរ ប្រៀបធៀប ក្រុមមនុស្សដែលបានបដិសេធលើអាយ៉ាត់ៗរបស់យើង។ ហេតុនេះ ចូរអ្នកដំណាលរឿងនិទាន នេះ ដើម្បីឱ្យពួកគេធ្វើការពិចារណា

អាក្រក់បំផុតនូវការប្រៀបធៀបដោយក្រុមមនុស្ស ដែលបានបដិសេធទៅលើអាយ៉ាត់ៗរបស់យើង ហើយពួកគេក៏ធ្លាប់បានរំលោភបំពានចំពោះ ខ្លួនពួកគេផ្ទាល់ផងដែរ

ជនណាដែលអល់ឡោះមគ្គុទ្ទេស ជននោះគឺពិតជាអ្នកដែលទទួល បាននូវមគ្គុទ្ទេសន៍។ ជនណាដែលលោកបានបំភាន់វង្វេងពួកគេ គឺពិតជាពួកដែលខាតបង់

យើងបានបង្កើតសំរាប់នរកយ៉ាងប្រាកដណាស់ នូវភាគច្រើននៃពួកជិន និងមនុស្ស។ ពួក គេមានចិត្ត ប៉ុន្តែពួកគេនៅតែមិនយល់ទៀតដោយសារចិត្តនោះ។ ពួកគេមានភ្នែក ប៉ុន្តែពួកគេ នៅតែមើលមិនឃើញទៀត ដោយសារតែភ្នែកនោះ។ ពួកគេមានត្រចៀក ប៉ុន្តែពួកគេនៅតែ មិនឮទៀតដោយសារត្រចៀកនោះ។ ពួកគេទាំងនេះ ប្រៀបដូចជាសត្វពាហនៈ ឬក៏ពួកគេ ភាន់វង្វេងជាងនេះទៅទៀត។ ពួកគេទាំងនោះ គឺជាពួកអ្នកពភ្លីពភ្លើ