Surah Al-Araf Ayahs #169 Translated in Khmer

ក្នុងពេលដែល ពួកគេបានភ្លេចនូវអ្វីដែលគេបានក្រើនរំលឹកពួកគេ ខណៈនោះ យើងបានសង្គ្រោះតែពួកដែល ហាមឃាត់គ្នាពីអំពើអកុសល ហើយយើងបានចាប់ក្របួចយកពួកដែលបំពារបំពាន ដោយ ទណ្ឌកម្មយ៉ាងសាហាវ បណ្តាលមកពីអ្វីដែលគេធ្លាប់បានប្រព្រឹត្តខិលខូច

រួចមកក្នុងពេល ដែលពួកគេបានរឹងចចេសពីអ្វីដែលគេបានហាមឃាត់ពួកគេអំពីការប្រព្រឹត្ត ខណៈនោះ យើង បានមានវាចាទៅកាន់ពួកគេថា ចូរពួកអ្នកក្លាយជាសត្វស្វាដ៏ថោកទាប

ក្នុងពេលដែល ម្ចាស់របស់អ្នកបានប្រកាសថា លោកប្រាកដជានឹងបញ្ជូនទៅលើពួកគេទាំងនោះ នូវអ្នកដែលធ្វើ ទណ្ឌកម្មដ៏អាក្រក់បំផុតលើពួកគេ រហូតដល់ថ្ងៃត្រូវរស់ឡើងវិញ។ ម្ចាស់អ្នក ពិតជាអ្នករហ័ស រហួនបំផុតនៃការធ្វើទណ្ឌកម្ម ហើយលោកពិតជាអ្នកអភ័យទោសឱ្យ អាណិតអាសូរបំផុត

ហើយយើងបានបំបែកពួកគេ នៅក្នុងលោកិយចែកជាច្រើនក្រុមពួក។ ភាគខ្លះនៃពួកគេជាពួកជន កុសលកម្ម ហើយភាគខ្លះនៃពួកគេក្រៅពីនេះ។ ហើយយើងបានសាកល្បងពួកគេ ដោយអំពើ កុសល និងអកុសលជាច្រើន ដើម្បីពួកគេនឹងវិលត្រលប់

ក្រោយអំពីពួកគេទាំងនោះ ត្រូវ បានជំនួសដោយក្រុមជំនាន់ក្រោយ ដែលបានទទួលមរតកគម្ពីរ ពួកគេនឹងរើសយកនូវទ្រព្យ អន្តរធាននាពេលបច្ចុប្បន្ន ហើយពួកគេថា គេនឹងអភ័យទោសឱ្យពួកយើង។ ហើយបើមានទ្រព្យ អន្តរធានដូចគ្នានោះទៅដល់ពួកគេទៀត ពួកគេនឹងយកទ្រព្យនោះទៀត តើគេមិនទាន់ចាប់ យកទៅលើពួកគេទេឬ? នូវកិច្ចសន្យារបស់គម្ពីរដែលចែងថា ចូរពួកគេកុំពោលវាចាអ្វីទៅ លើអល់ឡោះ ក្រៅពីសច្ចធម៌នោះឡើយ ។ ហើយពួកគេទាំងនោះសោត ក៏ធ្លាប់បានសិក្សានូវ អ្វីដែលមានក្នុងគម្ពីរនោះ។ លំនៅឯបរលោក គឺល្អប្រសើរបំផុត សំរាប់ពួកដែលគោរពកោត ខ្លាច។ តើពួកអ្នកមិនទាន់ពិចារណាទៀតទេឬ?