Surah Al-Araf Ayahs #130 Translated in Khmer

អ្នកសងសឹកពួកយើង នេះ គឺគ្មានអ្វីក្រៅពីដោយសារពួកយើងបានជឿជាក់លើអាយ៉ាត់ៗម្ចាស់យើង នៅពេលដែល អាយ៉ាត់ទាំងនោះបានមកដល់យើងនោះឡើយ។ ឱម្ចាស់យើង! សូមលោកមេត្តាបង្អុរក្តី អត់ធ្មត់មកលើពួកយើង ហើយសូមលោកមេត្តាបញ្ចប់ជីវិតពួកយើងក្នុងសភាពដាក់កាយ គោរពផង

អ្នកមុខអ្នកការក្រុមពួកហ្វារ៉ាអុង បាននិយាយទៅកាន់ហ្វារ៉ាអុងថា តើ អ្នកបោះបង់ចោលមូសា និងក្រុមពួករបស់គេ ដើម្បីពួកគេនឹងធ្វើឱ្យខូចបង់នៅក្នុងផែនដី ហើយគេនឹងបោះបង់ចោលអ្នក ព្រមទាំងសក្ការៈបដិមារបស់អ្នកឬ?។ ហ្វារ៉ាអុងថា យើង នឹងសំលាប់រង្គាលបុត្រាៗពួកគេ ហើយយើងនឹងទុកជីវិតនារីៗរបស់ពួកគេ ហើយយើងពិត ជាមានអំណាចលើពួកគេទាំងអស់់

មូសាបាននិយាយទៅកាន់ក្រុមពួកគេថា ចូរពួកអ្នក សុំជំនួយពីអល់ឡោះ ហើយចូរពួកអ្នកអត់ធ្មត់។ ពីព្រោះដែនដី ជាកម្មសិទ្ធអល់ឡោះ លោក នឹងប្រគល់មរតកទឹកដីទៅឱ្យជនដែលលោកប្រាថ្នា ក្នុងចំណោមអ្នកគោរពទាំងឡាយ របស់លោក។ ផលល្អនាពេលអនាគត សំរាប់ពួកអ្នកគោរពកោតខ្លាច

ពួកគេទាំង នោះថា គេបានធ្វើឱ្យរងទុក្ខលើពួកយើងមុនពេលអ្នកមកដល់ពួកយើង និងក្រោយពីពេល អ្នកបានមកដល់ពួកយើង។ មូសាថា សង្ឃឹមថា ម្ចាស់របស់ពួកអ្នកនឹងបំផ្លាញសត្រូវរបស់ ពួកអ្នក ហើយលោកនឹងផ្តល់មរតកដល់ពួកអ្នកនៅក្នុងដែនដី រួចមកលោកនឹងពិនិត្យមើល តើពួកអ្នកប្រព្រឹត្តដូចម្តេច?

ជាការពិតណាស់ យើងបានសាកល្បងហ្វារ៉ាអុង ព្រមទាំង បរិវារដោយគ្រោះរាំងស្ងួត និងដោយកង្វះនៃភោគផលខ្លះ ដើម្បីឱ្យពួកគេរំលឹកឡើងវិញ