Surah Al-Anfal Ayahs #53 Translated in Khmer

ចូររំលឹក នៅពេលមនុស្សដែលពុតត្បុត និងពួកដែលក្នុងចិត្តរបស់ពួកគេមានជំងឺបាននិយាយថា មនុស្សជំនឿទាំងនេះ ត្រូវបានបញ្ឆោតដោយសាសនារបស់ពួកគេ។ ក៏ប៉ុន្តែជនណា ដែលផ្ញើក្តីទុកចិត្តលើអល់ឡោះ ជននោះនឹងជោគជ័យ ព្រោះអល់ឡោះពិតជាអ្នកដែល ពលានុពលបំផុត ជាអ្នកមហាគតិបណ្ឌិត

រន្ធត់ណាស់ ប្រសិនបើអ្នកឃើញ ក្នុងខណៈ ដែលពួកម៉ាឡាអ៊ីកាត់យកជីវិតពួកដែលឥតជឿ ពួកម៉ាឡាអ៊ីកាត់វាយមុខរបស់ពួកគេ និង វាយខ្នងពួកគេ ព្រមទាំងវាចាថា ចូរពួកអ្នកក្រេបរសជាតិចុះ នូវទណ្ឌកម្មរបស់នរកឆាប ឆេះ

ទាំងនេះ មកពីអ្វីដែលដៃទាំងឡាយរបស់ពួកគេបានប្រព្រឹត្តកន្លងទៅ ហើយ អល់ឡោះពិតជាពុំមែនជាអ្នកដែលបំពារបំពានចំពោះមនុស្សឡើយ

គឺដូចជាទំលាប់ របស់បរិវាហ្វារ៉ាអុង និងពួកជំនាន់មុនពួកគេ ដែលមិនបានជឿលើសំដីទូន្មានទាំងឡាយ របស់អល់ឡោះ រួចអល់ឡោះបានដាក់ទោសពួកគេ ដោយសារបាបកម្មទាំងឡាយរបស់ ពួកគេ។ អល់ឡោះពិតជាអ្នកដែលប្រពលខ្លាំងក្លា តឹងរ៉ឹងបំផុតនៃការធ្វើទណ្ឌកម្ម

ទាំងនេះបណ្តាលមកពីអល់ឡោះ ប្រាកដណាស់លោ់ក ពុំមែនជាអ្នកដែលធ្វើឱ្យកែប្រែនូវ ឧបការគុណដែលលោកបានប្រទានឧបការគុណនោះ ទៅលើក្រុមពួកណាមួយនោះទេ ទាល់តែក្រុមពួកនោះបានធ្វើឱ្យកែប្រែ នូវអ្វីដែលមាននៅខ្លួនរបស់ពួកគេផ្ទាល់។ ហើយ អល់ឡោះពិតជាឮបំផុត ដឹងបំផុត