Surah Al-Anfal Ayahs #48 Translated in Khmer

ហើយដូចនេះដែរ ក្នុងឱកាសដែលពួកអ្នកបានពើបប្រទះនោះ លោកបានបង្ហាញឱ្យពួកអ្នកឃើញពួក គេ ជាចំនួនតិចនៅក្នុងក្រសែភ្នែករបស់ពួកអ្នក ដូចនេះដែរ លោកបានបង្ហាញឱ្យ ពួកគេឃើញពួកអ្នកជាចំនួនតិច ស្ថិតនៅក្នុងក្រសែភ្នែករបស់ពួកគេ ដើម្បីអល់ឡោះ នឹងសំរេចការងារ ដែលលោកជាអ្នកត្រូវប្រតិបត្តិ ហើយគេនឹងបង្វិលការងារ ទាំងអស់ឆ្ពោះទៅអល់ឡោះវិញ

បណ្តាពួកអ្នកដែលមានជំនឿ! កាលណា ពួកអ្នកបានពើបប្រទះនឹងក្រុមទ័ពខ្មាំងមួយ ចូរពួកអ្នកតាំងស្មារតីឱ្យរឹងមាំ ហើយចូរ ពួកអ្នករលឹកឱ្យច្រើនទៅកាន់អល់ឡោះ ដើម្បីពួកអ្នកនឹងសំរេចបានជោគជ័យ

ហើយចូរពួកអ្នកគោរពប្រតិបត្តិអល់ឡោះ និងរ៉សូលរបស់លោក រួចចូរពួកអ្នកកុំទាស់ ទែងគ្នា បើសិនពុំនោះសោតទេ ពួកអ្នកនឹងចុះទន់ខ្សោយ ហើយកំលាំងពលំរបស់ពួកអ្នក នឹងបាត់បង់។ ចូរពួកអ្នកអត់ធ្មត់ អល់ឡោះពិតជារួមជាមួយពួកដែលអត់ធ្មត់

ចូរពួក អ្នកកុំឱ្យមានដូចពួកដែលបានចេញពីលំនៅឋានរបស់ពួកគេ ដោយឫកក្អេងក្អាង និង សំញែងអំនួតចំពោះសាធារណជន ហើយពួកគេបន្ទច់បង្អាក់ពីផ្លូវអល់ឡោះ។ អល់ឡោះ ជាអ្នកជ្រួតជ្រាបបំផុតនូវអ្វីដែលពួកគេបានប្រព្រឹត្ត

ចូររំលឹក នៅពេលដែលស្ហៃតន បានតាក់តែងឱ្យពួកគេ នូវអំពើរបស់ពួកគេជាមួយនឹងសំដីថា ក្នុងចំណោមមនុស្ស ទាំងឡាយ គ្មានជនណាយកជ័យជំនះលើពួកអ្នកបានទេឥនាថ្ងៃនេះ ហើយយើងពិតជាអ្នក គាំទ្រពួកអ្នក។ ក្រោយមក នៅពេលដែលកងទ័ពទាំងពីរបានមើលឃើញគ្នាទៅវិញទៅ មក ស្ហៃតនក៏បានរត់ថយផះកែងទាំងពីររបស់វា ហើយវាថា យើងពិតជាអ្នករួចផុតអំពី ពួកអ្នក យើងពិតជាកំពុងមើលឃើញនូវអ្វីដែលពួកអ្នកមិនអាចមើលឃើញ យើងពិតជា កំពុងកោតខ្លាចអល់ឡោះ អល់ឡោះជាអ្នករឹងត្អឹងបំផុតនៃការធ្វើទណ្ឌកម្ម