Surah Al-Anfal Ayahs #20 Translated in Khmer

ក្រៅពីអ្នកដែលធ្វើកលយុទ្ធដើម្បីប្រយុទ្ធ ឬ ក្រៅពីអ្នកដែលស្ម័គ្រចូលទៅក្នុងក្រុមផ្សេង ជនណាហើយដែលបែរគេចពីពួកគេត្រលប់ ទៅក្រោយគេវិញនាពេលនោះ ជននោះប្រាកដជានាំត្រលប់ទៅវិញ នូវការក្រេវក្រោធពី អល់ឡោះ ហើយទីជំរករបស់ជននោះគឺនរក។ ជាកន្លែងត្រលប់ទៅវិញដ៏អាក្រក់បំផុត

គឺពុំមែនពួកអ្នកទេដែលសំលាប់ពួកគេ ក៏ប៉ុន្តែគឺអល់ឡោះដែលបានសំលាប់ពួកគេ ហើយពុំមែនអ្នកគ្រវែងទេ(បាចខ្សាច់)នាពេលអ្នកគ្រវែងនោះ ប៉ុន្តែអល់ឡោះជាអ្នក គ្រវែងដើម្បីលោក នឹងសាកល្បងជំនឿនូវការសាកល្បងមួយដ៏ល្អប្រសើរពីលោក។ អល់ឡោះពិតជាអ្នកឮបំផុត

នេះហើយវាសនាពួកអ្នក អល់ឡោះពិតជាអ្នកធ្វើ ឱ្យគាំងស្តូកកលល្បិចពួកអជំនឿ

ប្រសិនបើពួកអ្នកសុំជោគជ័យ ឥឡូវជ័យជំនះ ពិតជាបានមកដល់ពួកអ្នកហើយ បើពួកអ្នកបញ្ឈប់(អរិភាពចំពោះណាពី) គឺជាកុសល កម្មសំរាប់ពួកអ្នក។ តែបើពួកអ្នកប្រព្រឹត្តឡើងវិញ យើងក៏ប្រព្រឹត្តឡើងវិញដែរ។ ហើយកងកំលាំងរបស់ពួកអ្នក ពុំអាចនឹងការពារពួកអ្នកបានបន្តិចឡើយ ទោះបីកង កំលាំងនោះមានចំនួនច្រើនយ៉ាងណាក៏ដោយ។ អល់ឡោះពិតជាជួយពួកអ្នកមាន ជំនឿ

បណ្តាពួកអ្នកដែលមានជំនឿ! ចូរពួកអ្នកគោរពប្រតិបត្តិអល់ឡោះ ព្រម ទាំងរ៉សូលរបស់លោក។ ហើយចូរពួកអ្នកកុំបែរគេចពីរ៉សូល ក្នុងករណីដែលពួកអ្នក កំពុងស្តាប់ឮពាក្យសំដី