Surah Al-Ahzab Ayahs #52 Translated in Khmer

ហើយចូរអ្នកកុំប្រតិបត្តិតាម ពួកអជំនឿ និងពួកពុតត្បុត ហើយចូរអ្នកកុំរវល់នឹងការទុក្ខទោសទោម្នេញរបស់ពួកគេ ។ ហើយចូរអ្នកប្រគល់ក្តីទុកចិត្តទៅលើអល់ឡោះ ហើយវាគ្រប់គ្រាន់ណាស់ អល់ឡោះជាអ្នក ដែលគាំពារ

ឱបណ្តាអ្នកដែលមានជំនឿ! កាលណាពួកអ្នកបានរៀបអាពាហ៍ពិពាហ៍ ជាមួយពួកនារីដែលមានជំនឿ។។។។ ក្រោយមក ពួកអ្នកបានលែងលះពួកនាងមុននឹងពួកអ្នក បានប៉ះពាល់ពួកនាង ដូចនេះ សម្រាប់ពួកអ្នក គឺគ្មានរយៈពេលណាមួយ (អ៊ិត្ទះ) ទៅលើពួក នាង ដែលពួកនាងនឹងរង់ចាំនោះទេ ដូច្នេះ ចូរពួកអ្នកផ្តល់រង្វាន់ (ពាក់កណ្តាលនៃខាន់ស្លា) ដល់ពួកនាង។ ហើយចូរពួកអ្នកលែងលះពួកនាងនូវការលែងលះមួយដ៏ប្រណីតបំផុត

ឱណាពី យើងពិតជាបានអនុញ្ញាតច្បាប់ឱ្យអ្នកចំពោះភរិយាទាំងឡាយរបស់អ្នក ដែលអ្នក បានផ្តល់ខាន់ស្លាទៅឱ្យពួកនាង និងចំពោះទាសី ដែលអ្នកគ្រប់គ្រងពីអ្វីដែលអល់ឡោះបាន បំពេញទៅឱ្យអ្នក។ ព្រមទាំងបុត្រីទាំងឡាយរបស់មាអ្នក និងបុត្រីទាំងឡាយរបស់មីងអ្នក (ខាងបិតា) និងបុត្រីទាំងឡាយរបស់មាអ្នក និងបុត្រីៗរបស់ម្តាយមីងអ្នក (ខាងមាតា) ដែល ពួកនាងបានភៀសខ្លូនជាមួយនឹងអ្នក ព្រមទាំងនារីម្នាក់ដែលមានជំនឿ ប្រសិនបើនាងបាន ប្រគល់ខ្លួននាងសម្រាប់ណាពី ប្រសិនបើណាពីមានបំណងប្រាថ្នានឹងចង់រៀបអាពាហ៍ ពិពាហ៍ចំពោះនាងដោយចំពោះតែអ្នកប៉ុណ្ណោះ ក្រៅពីពួកដែលមានជំនឿ។ យើងប្រាកដជា បានដឹង ហើយនូវអ្វីដែលយើងបានដាក់កាតព្វកិច្ចទៅលើពួកគេ នៅក្នុងភរិយាទាំងឡាយ របស់ពួកគេ ព្រមទាំងទាសីទាំងឡាយរបស់ពួកគេ ដើម្បីកុំឱ្យមានឧបសគ្គណាមួយទៅលើ អ្នក ហើយអល់ឡោះគឺជាអ្នកដែលអភ័យទោសឱ្យ ជាអ្នកដែលអាណិតស្រឡាញ់បំផុត

អ្នកអាចពន្យារពេលចំពោះនាង ដែលអ្នកមានបំណងក្នុងចំណោមពួកនាង ហើយអ្នក អាចផ្តល់ទីជ្រកនៅជិតអ្នក ចំពោះនាងដែលអ្នកមានបំណង។ ហើយជនណាដែលបាន ស្វែងរកចំណោមជនដែលអ្នកបានញែកចេញ គឺគ្មានទោសពៃរ៍លើអ្នកឡើយ។ ទាំងនេះ គឺជាការជិតបំផុត ដែលចក្ខុទាំងឡាយរបស់ពួកនាងត្រជាក់នឹងន ហើយពួកនាងនឹងមិន កើតទុក្ខ។ ព្រមទាំងពួកនាងនឹងពេញចិត្ត ដោយអ្វីដែលអ្នកបានផ្តល់ទៅពួកនាងគ្រប់ៗ គ្នា ហើយអល់ឡោះដឹងនូវអ្វីដែលនៅក្នុងចិត្តទាំងឡាយរបស់ពួកអ្នក ។ ហើយអល់ឡោះ ជាអ្នកដែលដឹងបំផុត ជាអ្នកដែលអត់អោនបំផុតឱ្យ

ពីនេះតទៅនឹងមិនអនុញ្ញាតឱ្យអ្នក ទៀតទេ ក្នុងការរៀបការនឹងនារីទាំងឡាយ ហើយអ្នកក៏មិនអាចផ្លាស់ប្តូរពួកនារីៗទាំង នោះពីភរិយាៗដែរ។ ទោះបីជាភាពល្អស្អាតរបស់ពួកនាងត្រូវបានគាប់ចិត្តចំពោះអ្នកក៏ ដោយ មានតែទាសីៗដែលអ្នកបានគ្រប់គ្រងប៉ុណ្ណោះ។ ហើយអល់ឡោះឃ្លាំសង្កេតនៅ លើគ្រប់វត្ថុទាំងអស់