Surah Al-Ahzab Ayahs #16 Translated in Khmer

ហើយនៅពេលដែលពួក ពុតត្បុត និងពួកដែលនៅក្នុងចិត្តពួកគេមានជំងឺកំពុងនិយាយថា អល់ឡោះ និងរ៉សូល របស់លោក មិនបានសន្យាចំពោះយើងទេ មានតែការបោកបញ្ឆោតប៉ុណ្ណោះ

ហើយ នៅពេលដែលក្រុមមួយនៃពួកគេបាននិយាយថា ឱអ្នកស្រុកយ៉ាស្រិប គ្មានទីឈរនៅ សម្រាប់ពួកអ្នកទេ ដូច្នេះ ចូរពួកអ្នកត្រឡប់ទៅវិញទៅ។ហើយមួយចំណែកនៃពួកគេ សុំអនុញ្ញាតណាពី ពួកគេនិយាយថា ការពិតគេហដ្ឋានទាំងឡាយរបស់ពួកយើងអាក្រាត (ទទេសូន្យ) ក្នុងករណីដែលវាមិនមែនអាក្រាតទេ។ ពួកគេគ្មានប្រាថ្នាអ្វីក្រៅពីដើម្បី ការរត់គេចឡើយ

ហើយប្រសិនបើគេបានវាយលុកចូលទៅលើពួកគេមកពីគ្រប់ ទិសទី ក្រោយមកគេបានស្នើទៅពួកគេនូវការក្បត់ ពួកគេប្រាកដជាបានទៅដល់ការក្បត់ នោះភ្លាម ហើយពួកគេមិនបានស្នាក់នៅទីនោះទៀតទេ លើកលែងតែមួយស្របក់ ប៉ុណ្ណោះ

ហើយកាលពីពេលមុន ពួកគេធ្លាប់បានសន្យានឹងឹអល់ឡោះយ៉ាងពិតប្រាកដ ពួកគេនឹងមិនត្រូវបែរងាកក្រោយឡើយ ហើយការសន្យាអល់ឡោះ គឺត្រូវចោទសួរ

ចូរថាចុះ គ្មានប្រយោជន៍ទេចំពោះពួកអ្នកដោយការរត់គេច បើពួកអ្នកបានរត់គេចពីសេចក្តី ស្លាប់ឬពីការកាប់សម្លាប់ ហើយពេលនោះពួកអ្នកនឹងមិនត្រូវទទួលក្តីសុខស្រួលក្រៅពីបន្តិច បន្តួចបំផុតនោះឡើយ