Surah Aal-E-Imran Ayahs #194 Translated in Khmer

ការពិតនៅក្នុងការងារបង្កើតមេឃនិងដី និងការផ្លាស់ប្តូរយប់និងថ្ងៃ ពិតជាវត្ថុតាងសម្រាប់អ្នកដែលមានវិចារណញ្ញាណ

គឺពួកដែលនឹកឃើញអល់ឡោះ ទាំងពេលឈរ អង្គុយ និងដេកទម្រេតពួកគេ ហើយ ពួកគេពិចារណាក្នុងការងារបង្កើតមេឃនិងដី។ ឱម្ចាស់របស់យើង! អ្វីដែលលោកបាន បង្កើតមកនេះពុំមែនអសារបង់ទេ មហាគតិគុណអល់ឡោះ សូមលោកការពារពួក យើងពីទណ្ឌកម្មនរកផង

ឱម្ចាស់របស់យើង! ពិតប្រាកដណាស់លោក ជនណា ដែលលោកបញ្ចូលឋាននរក គឺលោកពិតជាធ្វើឱ្យគេអាម៉ាស់មុខ។ ពួកបំពានគ្មាន អ្នកណាជួយឡើយ

ឱម្ចាស់យើង! ពិតប្រាកដណាស់ យើងបានឮអ្នកដែលហៅ ទៅកាន់ជំនឿថា ចូរពួកអ្នកជឿនឹងម្ចាស់របស់ពួកអ្នក។ យើងក៏បានជឿហើយ។ ឱម្ចាស់របស់យើង! ដូចនេះ សូមលោកប្រោសប្រណីឱ្យពួកយើងផង នូវកំហុសឆ្គង ទាំងឡាយរបស់ពួកយើង ហើយសូមមេត្តាលោកលុបពីយើងផង នូវអំពើអាក្រក់ ទាំងឡាយរបស់យើង។ ហើយសូមមេត្តាលោកបញ្ចប់ជីវិតរបស់ពួកយើង ជាមួយ នឹងពួកអ្នកសាងអំពើល្អផង

ឱម្ចាស់យើង! សូមលោកប្រទានឱ្យយើងផងនូវអ្វី ដែលលោកបានសន្យានឹងយើង តាមរយៈបណ្តារ៉សូលលោក ហើយសូមលោកកុំធ្វើ ឱ្យពួកយើងអាម៉ាស់មុខនាថ្ងៃវិនិច្ឆ័យ។ ពិតប្រាកដលោកមិនធ្វើខុសសន្យាឡើយ