Al-Quran 37:99 - Surah As-Saaffat Ayah #99 - Sindhi Translation

37:98

فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ

پوءِ ساڻس فريب ڪرڻ جو ارادو ڪيائون، پوءِ کين ھيٺاھان ٿيندڙ ڪيوسون

37:99

وَقَالَ إِنِّي ذَاهِبٌ إِلَىٰ رَبِّي سَيَهْدِينِ

(ابراھيم) چيو تہ بيشڪ آءٌ پنھنجي پالڻھار ڏانھن وڃڻ وارو آھيان، (اُھو) سگھوئي مون کي واٽ ڏيکاريندو (جتي سندس رضا ھوندي)

37:100

رَبِّ هَبْ لِي مِنَ الصَّالِحِينَ

اي منھنجا پالڻھار! صالحن مان (ڪو پُٽ) مون کي عطا ڪر

37:101

فَبَشَّرْنَاهُ بِغُلَامٍ حَلِيمٍ

پوءِ کيس ھڪ بردبار نينگر جي خوشخبري ڏني سون

37:102

فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانْظُرْ مَاذَا تَرَىٰ ۚ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِنْ شَاءَ اللَّهُ مِنَ الصَّابِرِينَ

پوءِ جڏھن ساڻس گڏجي ڪم ڪار ڪرڻ (واريءَ عمر) کي پھتو (تڏھن ابراھيم) چيو تہ، اي منھنجا پُٽڙا! بيشڪ آءٌ ننڊ ۾ ڏسان پيو تہ، آءٌ تو کي ڪُھان ٿو، پوءِ تون نظر ڪر تہ تنھنجي دل ۾ ڇا ٿو اچي؟ چيائين تہ اي مُنھنجا ابا! جنھن (ڪم) جو تو کي حُڪم ڏنو وڃي ٿو سو ڪر، جيڪڏھن الله گھريو تہ مون کي صبر ڪرڻ وارن مان لھندين

Surah As-Saaffat Ayahs #102 Translated in Sindhi

Choose other languages: