Quran Apps in many lanuages:

Surah Al-Anaam Ayahs #152 Translated in Sindhi

6:148

سَيَقُولُ الَّذِينَ أَشْرَكُوا لَوْ شَاءَ اللَّهُ مَا أَشْرَكْنَا وَلَا آبَاؤُنَا وَلَا حَرَّمْنَا مِنْ شَيْءٍ ۚ كَذَٰلِكَ كَذَّبَ الَّذِينَ مِنْ قَبْلِهِمْ حَتَّىٰ ذَاقُوا بَأْسَنَا ۗ قُلْ هَلْ عِنْدَكُمْ مِنْ عِلْمٍ فَتُخْرِجُوهُ لَنَا ۖ إِنْ تَتَّبِعُونَ إِلَّا الظَّنَّ وَإِنْ أَنْتُمْ إِلَّا تَخْرُصُونَ

مشرڪ سگھو چوندا تہ جي الله گھري ھا تہ نڪي اسين شرڪ ڪريون ھا ۽ نڪي اسان جا اَبا ڏاڏا (شرڪ ڪن ھا) ۽ نڪي اسين (پاڻ تي) ڪا شئي حرام ڪريون ھا، اھڙيءَ طرح کانئن جيڪي اڳ ھوا تن بہ ڪوڙ ڀانيو تان جو اسان جي سزا (جو مزو) چکيائون، (اي پيغمبر! کين) چئو تہ اوھان وٽ ڪو دليل آھي تہ اُھو اسان لاءِ ڪڍي آڻيو، (اوھين) رڳو گمان تي ھلندا آھيو ۽ اوھين رڳو اٽڪل ھڻندا آھيو

6:149

قُلْ فَلِلَّهِ الْحُجَّةُ الْبَالِغَةُ ۖ فَلَوْ شَاءَ لَهَدَاكُمْ أَجْمَعِينَ

(اي پيغمبر! کين) چئو تہ الله جي حجت مضبوط آھي، جيڪڏھن گھري ھا تہ ضرور اوھان مڙني کي سڌو رستو ڏيکاري ھا

6:150

قُلْ هَلُمَّ شُهَدَاءَكُمُ الَّذِينَ يَشْهَدُونَ أَنَّ اللَّهَ حَرَّمَ هَٰذَا ۖ فَإِنْ شَهِدُوا فَلَا تَشْهَدْ مَعَهُمْ ۚ وَلَا تَتَّبِعْ أَهْوَاءَ الَّذِينَ كَذَّبُوا بِآيَاتِنَا وَالَّذِينَ لَا يُؤْمِنُونَ بِالْآخِرَةِ وَهُمْ بِرَبِّهِمْ يَعْدِلُونَ

(اي پيغمبر! کين) چئو تہ پنھنجن شاھدن کي سڏيو جيڪي شاھدي ڏين تہ الله اِنھن (مٿين شين) کي حرام ڪيو آھي پوءِ جيڪڏھن (اُھي اچي) شاھدي ڏين تہ (تون) اُنھن سان شاھدي نہ ڏي، ۽ جن اسان جي آيتن کي ڪُوڙ ڄاتو ۽ جيڪي آخرت کي نہ مڃيندا آھن تن جي چوڻ تي نہ ھل ۽ اُھي پنھنجي پالڻھار سان ٻـين کي برابر ڪن ٿا

6:151

قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ ۖ أَلَّا تُشْرِكُوا بِهِ شَيْئًا ۖ وَبِالْوَالِدَيْنِ إِحْسَانًا ۖ وَلَا تَقْتُلُوا أَوْلَادَكُمْ مِنْ إِمْلَاقٍ ۖ نَحْنُ نَرْزُقُكُمْ وَإِيَّاهُمْ ۖ وَلَا تَقْرَبُوا الْفَوَاحِشَ مَا ظَهَرَ مِنْهَا وَمَا بَطَنَ ۖ وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ۚ ذَٰلِكُمْ وَصَّاكُمْ بِهِ لَعَلَّكُمْ تَعْقِلُونَ

(اي پيغمبر! کين) چئو تہ اوھان جي پالڻھار اوھان تي جيڪي حرام ڪيو آھي سو اچو تہ آءٌ پڙھي ٻُڌايان (اُھو ھيء آھي تہ) اوھين ڪنھن شئي کي ساڻس شريڪ نہ ڪريو ۽ ماءُ پيءُ سان چڱائي ڪريو، ۽ اوھين پنھنجي اولاد کي سڃائي سببان نہ ڪُھو، اسين اوھانکي (بہ) ۽ خاص انھن کي (بہ) روزي ڏيندا آھيون، ۽ بي حيائي جي ڪمن مان جيڪي پڌرو ھجي ۽ جيڪي ڳجھو ھجي تنھن (سڀ) کي (اوھين) ويجھا نہ وڃو، ۽ نڪي (اھڙي) ماڻھوءَ کي ماريو جنھنجو مارڻ حق (شرعي قانون) کانسواءِ الله حرام ڪيو آھي، اِھو (حُڪم) آھي جنھن سان اوھان کي (الله) وصيت فرمائي آھي منَ اوھين سمجھو

6:152

وَلَا تَقْرَبُوا مَالَ الْيَتِيمِ إِلَّا بِالَّتِي هِيَ أَحْسَنُ حَتَّىٰ يَبْلُغَ أَشُدَّهُ ۖ وَأَوْفُوا الْكَيْلَ وَالْمِيزَانَ بِالْقِسْطِ ۖ لَا نُكَلِّفُ نَفْسًا إِلَّا وُسْعَهَا ۖ وَإِذَا قُلْتُمْ فَاعْدِلُوا وَلَوْ كَانَ ذَا قُرْبَىٰ ۖ وَبِعَهْدِ اللَّهِ أَوْفُوا ۚ ذَٰلِكُمْ وَصَّاكُمْ بِهِ لَعَلَّكُمْ تَذَكَّرُونَ

۽ جيڪو (طريقو) بھتر ھجي تنھن کانسواءِ (ٻئي طريقي سان) يتيم جي مال کي ويجھا نہ وڃو جيسين اُھو پنھنجي جوانيءَ کي پھچي، ۽ ماپ ۽ تور انصاف سان پُوري ڏيو وٺو، اسين ڪنھن ماڻھوءَ کي سندس وس کان سواءِ (وڌيڪ) تڪليف نہ ٿا ڏيون، ۽ جڏھن اوھين (پاڻ ۾) ڳالھايو تڏھن انصاف سان ھلو جيتوڻيڪ مائٽيءَ وارو ھجي، ۽ الله جو انجام پاڙيو، انھيءَ (حُڪم جي) اوھان کي وصيت ڪئي اٿس تہ منَ اوھين نصيحت وٺو

View all ayahs

Surah Al-Anaam Ayahs #152 Translated in Sindhi

Choose other languages: