Surah Yusuf Ayahs #70 Translated in Khmer

បិតាថា យើងនឹងមិនបញ្ជូនវាឱ្យទៅរួមជាមួយពួកអ្នកទេ ទាល់តែពួកអ្នក នឹងផ្តល់ជូនមកយើង នូវចំណងកិច្ចសន្យាមួយពីអល់ឡោះ ពួកអ្នកប្រាកដជានឹងនាំវាមក ដល់យើងវិញ លើកលែងតែពួកអ្នកនឹងត្រូវគេឡោមព័ទ្ធ។ លុះនៅពេលដែលពួកគេបានផ្តល់នូវ ចំណងកិច្ចសន្យារបស់ពួកគេ គាត់ថា អល់ឡោះជាអ្នកសាក្សីនៅលើអ្វីដែលពួកយើងទាំងអស់ គ្នានិយាយ

រួចមកបិតាថា នែ៎!បុត្រាទាំងឡាយរបស់យើង ចូរពួកអ្នកកុំទៅតាមទ្វារតែមួយ ហើយចូរពួកអ្នកចូលទៅតាមទ្វារទាំងឡាយដែលផ្សេងៗពីគ្នា ហើយយើងមិនអាចការពារពួកអ្នក ពីអល់ឡោះនូវវត្ថុណាមួយឡើយ ការវិនិច្ឆ័យ គឺគ្មានអ្វីក្រៅពីជាកម្មសិទ្ធិរបស់អល់ឡោះឡើយ ។ នៅលើលោក យើងបានប្រគល់ទំនុកចិត្ត។ ហើយនៅលើលោក ចូរបណ្តាអ្នកដែលប្រគល់ ក្តីស្មោះធ្វើការប្រគល់

ហើយនៅពេលដែលពួកគេបានចូលទៅតាមករណីដែលបិតារបស់ ពួកគេបានបញ្ជាទៅពួកគេ ដែលគាត់មិនបានការពារពួកគេពីអល់ឡោះនូវវត្ថុណាមួយឡើយ លើកលែងតែសេចក្តីត្រូវការមួយនៅក្នុងខ្លួនរបស់យ៉ាក់កូប ដែលគេបានសម្រេចតម្រូវការ នោះហើយ ការពិតគេប្រាកដជាអ្នកមានវិជ្ជាមួយ ដោយសារតែយើងបានបង្រៀនគេ ក៏ប៉ុន្តែ ភាគច្រើននៃមនុស្សនៅតែមិនទាន់ដឹងទៀត

ហើយនៅពេលដែលពួកគេបានចូលទៅ កាន់យូសុហ្វ យូសុហ្វក៏បានអោបប្អូនប្រុសរបស់គេ។ គេថា ពិតប្រាកដណាស់យើងជាបង ប្រុសរបស់អ្នក ហេតុដូចនេះ ចូរអ្នកកុំទាន់អស់សង្ឃឹមនូវអ្វីដែលពួកគេធ្លាប់បានប្រព្រឹត្ត

លុះនៅពេលដែលគាត់បានចាត់ចែងជូនពួកគេនូវសំវិធានវត្ថុរបស់ពួកគេ ហើយគេក៏បាន ដាក់ពែង(មាស)ទៅក្នុងភារៈវត្ថុរបស់ប្អូនប្រុសរបស់គេ ក្រោយមក អ្នកដែលប្រកាសបាន ស្រែកប្រកាសថា ឱបណ្តាអ្នកបរសត្វអូដ្ឋទាំងឡាយ! ការពិតពួកអ្នក គឺពិតជាពួកចោរយ៉ាង ប្រាកដ