Surah Yunus Ayahs #95 Translated in Khmer

តើឥឡូវនេះឬ?ហើយ ពីមុនមក អ្នកមិនបានស្តាប់បង្គាប់យ៉ាងប្រាកដ ពេលនេះ អ្នកគឺមានក្នុងចំណោមពួក បង្កើតវឹកវរ

នៅថ្ងៃនេះយើងនឹងស្រង់ខ្លួនប្រាណរបស់អ្នក ដើម្បីអ្នកនឹងក្លាយ ទៅជាភស្តុតាងមួយសំរាប់ជំនាន់ក្រោយអ្នក ។ ហើយភាគច្រើននៃមនុស្សពិតជាអ្នក ធ្វេសប្រហែសពីអាយ៉ាត់ៗរបស់យើង

ហើយយើងបានទុកដាក់បុត្រអ៊ីស្រាឯលនូវ ទីជំរកដ៏សមរម្យមួយ ហើយយើងបានផ្តល់អាហារទៅពួកគេល្អៗប្រណីតទាំងឡាយ រួចមកពួកគេឥតមានខ្វែងយោបល់គ្នាទេ ទាល់តែចំណេះវិជ្ជាបានទៅដល់ពួកគេ។ ម្ចាស់របស់ពួកអ្នក ពិតជានឹងសម្រេចក្នុងចំណោមពួកគេ នៅក្នុងអ្វីដែលពួកគេធ្លាប់ បានខ្វែងយោបល់គ្នានោះ នាថ្ងៃត្រូវងើបឡើងវិញ

ដូច្នេះ ប្រសិនបើអ្នកមានក្នុង ការមន្ទិលសង្ស័យណាមួយ នូវអ្វីដែលយើងបានដាក់ចុះទៅកាន់អ្នក ចូរអ្នកស៊ើបសួរ ពួកដែលបានអានគម្ពីរកាលពីមុនអ្នក។ អំពើសច្ចៈមកពីម្ចាស់របស់អ្នក ពិតបានមក ដល់ហើយ ដូច្នេះ ចូរអ្នកកុំមានក្នុងចំណោមពួកដែលស្រពេចស្រពិលឱ្យសោះ

ហើយចូរអ្នកកុំឱ្យមានសោះ ក្នុងចំណោមពួកដែលបានបដិសេធនឹងអាយ៉ាត់ទាំងឡាយ របស់អល់ឡោះ អ្នកនឹងក្លាយទៅក្នុងចំណោមពួកខាតបង់មិនខាន