Surah Yunus Ayahs #64 Translated in Khmer

ពួកដែលបានប្រឌិតការភូតកុហកទៅលើអល់ឡោះ តើពួកគេបានគិតស្មានអ្វីខ្លះ នាថ្ងៃត្រូវរស់ឡើងវិញ? អល់ឡោះពិតជាមានឧត្តមភាព លើមនុស្សទាំងឡាយ ក៏ប៉ុន្តែភាគច្រើនណាស់នៃពួកគេមិនដឹងគុណ

អ្នកមាននៅ ក្នុងការងារណាមួយក៏ដោយ អ្នកសូត្រនូវអាយ៉ាត់ណាមួយនៃគួរអានក៏ដោយ ហើយពួក គេប្រព្រឹត្តនូវអំពើណាមួយក៏ដោយ គឺសុទ្ធតែមានយើងជាអ្នកធ្វើសាក្សីនៅលើពួកអ្នក ទាំងអស់គ្នា នៅពេលដែលពួកអ្នកទាំងអស់គ្នាបានប្រព្រឹត្តចំពោះការងារនោះ។ហើយ មិនកំបាំងពីម្ចាស់របស់អ្នកឡើយ នៃទំងន់អាតូមមួយនៅឯដី ហើយក៏មិនកំបាំងដែរនៅ ឯមេឃ ទោះតូចជាងនេះ ឬធំជាងនេះ គឺសុទ្ធតែមានការកត់ត្រាយ៉ាងច្បាស់លាស់

តើពុំមែនទេឬ? អ្នកគាំពាររបស់អល់ឡោះ ពិតជាគ្មានការខ្លាចរអាទេលើ ពួកគេ ហើយពួកគេក៏មិនព្រួយបារម្ភដែរ

គឺពួកដែលបានជឿ ហើយ ពួកគេគោរពកោតខ្លាចទៀត

ពួកគេមានការរីករាយនៅក្នុងជីវិត លោកបច្ចុប្បន្ន និងក្នុងលោកខាងមុខ។ គ្មានការប្រែប្រួលឡើយចំពោះ ពាក្យពេចន៍ទាំងឡាយរបស់អល់ឡោះ។ នោះហើយជាការជោគជ័យដ៏ មហាធំធេង