Surah Ya-Seen Ayahs #15 Translated in Khmer

ការពិតអ្នកត្រូវព្រមាន តែចំពោះជនណាដែលបានប្រតិបត្តិតាមការរំលឹក និងបានកោតខ្លាចចំពោះម្ចាស់មហា សប្បុរស ដោយអាថ៌កំបាំងប៉ុណ្ណោះ។ រួចមក សូមអ្នកជូនដំណឹងរីករាយទៅកាន់ជននោះ ដោយការអភ័យទោសមួយ និងរង្វាន់មួយដ៏មហាថ្លៃថ្នូរបំផុត

ជាការពិតណាស់យើង បានប្រោសជីវិតអ្នកដែលស្លាប់ ហើយយើងកត់ត្រាអ្វីដែលពួកគេបានប្រព្រឹត្ត និងលំអានរបស់ ពួកគេ។ ហើយគ្រប់វត្ថុទាំងអស់ យើងបានជំរឿនវានៅក្នុងកំនត់ត្រាមួយដ៏ច្បាស់លាស់

ហើយសូមអ្នកដាក់ជូនទៅពួកគេ នូវឧបមាកថាមួយស្តីពីអ្នកស្រុករបស់បុរីនោះ នៅពេលដែល ពួករ៉សូលបានទៅដល់វា

នៅពេលដែលយើងបានចាត់បញ្ជូនទៅកាន់ពួកគេ នូវមនុស្សពីរ នាក់ រួចពួកគេបានមួលបង្កាច់ចំពោះអ្នកទាំងពីរនោះ រួចមក យើងបានពង្រឹងបន្ថែមដោយអ្នក ទីបីទៀតដែលពួកគេទាំងនោះនិយាយថា ពួកយើងពិតជាពួកដែលគេបញ្ផូនមកកាន់ពួកអ្នកមែន

ពួកអ្នកស្រុកនិយាយថា ពួកអ្នកគ្មានអ្វីក្រៅពីជាមនុស្សដូចជាពួកយើងនោះទេ ហើយម្ចាស់មហា សប្បុរសក៏មិនបានដាក់ចុះអ្វីមួយដែរ ពួកអ្នកគ្មានអ្វីក្រៅពីភូតកុហកឡើយ