Surah Ta-Ha Ayahs #73 Translated in Khmer

ហើយអ្នកបោះអ្វីក្នុងដៃស្តាំអ្នក វានឹងលេបអ្វីដែលពួកគេបានធ្វើ។ ការពិតអ្វី ដែលពួកគេបានធ្វើនោះ គឺគ្រាន់តែជាល្បិចកលគ្រូមន្តអាគមប៉ុណ្ណោះ។ ហើយគ្រូមន្តអាគមនឹង មិនបានជោគជ័យឡើយ ទោះបីជាគេបានទៅដល់ទីណាក៏ដោយ

រួចមក គ្រូមន្តអាគម ទាំងឡាយត្រូវបានទំលាក់ខ្លួន ដើម្បីលុតក្រាប ពួកគេថា ពួកយើងបានជឿហើយលើម្ចាស់ហារូន និងមូសា

ហ្វារ៉ាអុងថា តើពួកអ្នកបានជឿចំពោះគេ មុននឹងយើងអនុញ្ញាតឱ្យពួកអ្នកឬ គេ ពិតជាមេពួកអ្នក ដែលបានបង្រៀនពួកអ្នកនូវមន្តគាថា។ ដូចនេះ យើងពិតជានឹងកាត់ដៃរបស់ ពួកអ្នក និងជើងរបស់ពួកអ្នកដោយខ្វែងគ្នា ហើយយើងពិតជានឹងឆ្កាងពួកអ្នកនៅដើមលម៉ើ ពេលនោះ ពួកអ្នកពិតជានឹងដឹងថា អ្នកណាមួយក្នុងចំណោមយើង ដែលខ្លាំងក្លាជាងគេខាង ទណ្ឌកម្ម ហើយដែលឋិតថេរជាងគេ

ពួកគេថា យើងនឹងមិនឱ្យតម្លៃអ្នកខ្ពស់ជាងអ្វីដែល បានមកដល់យើងនៃភស្តុតាងៗ ហើយខ្ពស់ជាងអ្នកដែលបានឱ្យកំណើតពួកយើងសោះឡើយ។ ហេតុនេះ សូមអ្នកសំរេចលើអ្វីដែលអ្នកជាអ្នកសំរេច។ អ្នកគ្រាន់តែសំរេចនូវជីវិតលោកិយនេះតែ ប៉ុណ្ណោះ

ពួកយើង ពិតជាមានជំនឿនឹងម្ចាស់ពួកយើង ហើយដើម្បីលោកអភ័យទោសឱ្យ យើង នូវកំហុសឆ្គងរបស់ពួកយើង ហើយនឹងអ្វីដែលពួកអ្នកបានបង្ខិតបង្ខំពួកយើងឱ្យធ្វើមន្តគាថា នោះ។ ហើយអល់ឡោះល្អប្រសើរជាង និងយូរអង្វែងជាង