Surah Ta-Ha Ayahs #64 Translated in Khmer

រួចមក ហ្វារ៉ាអុងក៏បានក្រោកចេញ ហើយគេបាន ប្រមូលនូវល្បិចកលរបស់គេ ក្រោយមកគេបានមកដល់វិញ

មូសាបាននិយាយទៅកាន់ ពួកគេថា អភ័ព្វណាស់ពួកអ្នក ចូរពួកអ្នកកុំមួលបង្កាច់ទៅលើអល់ឡោះ ពុំនោះសោត លោក នឹងបំផ្លាញខ្ទេចចំពោះពួកអ្នក ដោយទណ្ឌកម្មមួយ។ ហើយអ្នកដែលបានមួលបង្កាច់ ពិតជាបាន ខាតបង់

រួចមក ពួកគេបានឈ្លោះប្រកែកគ្នាចំពោះការងាររបស់ពួកគេ រវាងពួកគេ ហើយ ពួកគេបានលាក់អាថ៌កំបាំងនូវការពិគ្រោះ

ពួកគេនិយាយថា ការពិតទាំងពីរនាក់នេះ ពិត ជាគ្រូមន្តអាគមទាំងពីរ ដែលគេទាំងពីរនាក់មានបំណងនឹងបណ្តេញពួកអ្នកពីទឹកដីរបស់ពួក អ្នក ដោយសារមន្តអាគមរបស់គេទាំងពីរ ហើយគេទាំងពីរនឹងនាំឱ្យបាត់បង់ប្រពៃណីរបស់ ពួកអ្នកដែលល្អផូរផង់

ហេតុនេះ ចូរពួកអ្នកប្រមូលផ្តុំល្បិចកលរបស់ពួកអ្នក ក្រោយមក ពួកអ្នកត្រូវមកដល់ជាជួរមួយ។ នាថ្ងៃនេះ អ្នកដែលយកឈ្នះ ពិតជាបានជោគជ័យហើយ