Surah Ta-Ha Ayahs #127 Translated in Khmer

អល់ឡោះបានថា ចូរពួកអ្នក ចុះចេញពីសួគ៌ាទាំងអស់គ្នាទៅ។ ភាគខ្លះនៃពួកអ្នកជាសត្រូវមួយសម្រាប់ភាគខ្លះទៀត ។ ប្រសិនណាបើមគ្គុទ្ទេសន៍ណាមួយអំពីយើងទៅដល់ពួកអ្នក រួចមក ជនដែលធ្វើតាម មគ្គុទ្ទេសន៍របស់យើង ជននោះនឹងមិនភាន់វង្វេងទេ ហើយក៏មិនអពមង្គលដែរ

ហើយជនដែលបែរងាកចេញពីការរលឹកយើង ជននោះពិតជាមានជីវភាពមួយដ៏ចង្អៀត ហើយយើងនឹងកេណ្ឌជននោះ នាថ្ងៃត្រូវរស់ឡើងវិញទាំងខ្វាក់

គេថា ឱម្ចាស់ខ្ញុំ់! ហេតុអ្វី លោកបានកេណ្ឌខ្ញុំទាំងខ្វាក់ ក្នុងករណីខ្ញុំពិតជាអ្នកមើលឃើញ

អល់ឡោះថា ប្រៀបដូចទាំងនេះហើយដែលអាយ៉ាត់របស់យើងបានដល់ទៅអ្នក រួចមកអ្នកបានភ្លេច អាយ៉ាត់ៗទាំងនោះ។ ហើយប្រៀបដូចទាំងនេះដែរ ដែលនាថ្ងៃនេះអ្នកត្រូវគេភ្លេចវិញ

ហើយប្រៀប ដូចទាំងនេះដែរ ដែលយើងនឹងទូទាត់ចំពោះជនដែលបានរំលោភបំពាន ហើយគេមិនជឿនឹងអាយ៉ាត់ៗ របស់ម្ចាស់គេទេ។ ហើយទណ្ឌកម្មនៃអវសាននោះគឺខ្លាំងក្លាបំផុត និងនិរន្តរភាពបំផុត